Taitos 3:5 - Vari Verenama

⁵ tauna yai yawasanidana. Inam nam dà verema aubainama i yawasanidana, ibewa da na raunuatoie yai yawasanidana. Mamaitua dà gewagewama ya koḡa porena raḡanine, tauda tè tubuḡa vitara be Arua Babaue yawasana vaunama ya utedana.

Taitos 3:5 ပူးပေါင်းရင်းမြစ်များ

Metiu 3:11

“Taugu upa kavakavae yàwai babataitomina, ami noḡotama ko vitaredina aubainama. Be banaga murigue e veraverauna, tauna banaga wairewapana vavasaḡinama nam maika taugu. Be taugu nam veregu da na kaḡasumama yà ragaudi. Tauna tokare Arua Babaue be kaie ei babataitomina.

Luk 1:50

Tauna na raunuatoima kimta be kimta aitauḡa tauna ta vivivivirena e utedina.

Luk 1:54

Tauna na taunoyama Israel e saguda, e noḡotida be e raunuatoi nonoḡedana,

Luk 1:72

Tauna e rarau nuatoina waḡawaḡadama waḡewaḡedima ḡarodie be riuwainoḡota babaunama e noḡotina

Luk 1:78

Baninama Mamaitua na raunuatoima dosinama kapoyaninama marae be ḡarode yovonama ewai karena,

Rom 11:14

Be uma kauine Jius banegidima nuedima ei medi be taudi mate tai sumaḡana.

Rom 11:6

Tauna na raukiviveree ya vinedina be nam adi noyama debane. Be deḡoda adi noyama debane i vinedina, agunai raukivivere nam baniboruboruna.

Rom 12:2

Be nam dobu banegidima adi vaivaie ko mia, avedi! Be Mamaitua koi baḡa da ami noḡotama e vitaredi be taumi ami yawasanama e rawavaudina. Yodibe taumi tokare teneteneḡinama da Mamaitua na ḡoana be na verema ko kataiedina. Be Mamaitua na ḡoanama inam ya vere vavasaḡana.

Rom 3:20

Vutuna aubainama aitauḡa tarawatuḡa tawai muriwatanena taudi Mamaitua matane nam didimanidi. Baninama tarawatu nam e voie da tauda didimana tà banavi, ibewa be tarawatu na noyama inam ei kataidana da deḡo tauna gewagewa be deḡo tauna vere.

Rom 3:28

Vutuna aubainama tauma ka riuriuna da banaga yawasana e paḡopaḡona inam waisumaḡe, be nam dà noyama veredima aubaidi.

Rom 4:5

Be Mamaitua ḡarone inam na tabu. Banaga aitau nam ima noyanoyana, be Mamaitua banaga gewegewedima taukawa didimanidima e waisumaḡena, tauna na waisumaḡama aubainama Mamaitua tauna ei yawasanina.

Rom 9:11

Be Rebeka muriḡa da seda raḡaraḡa e tikedi da yawasana veredi bo gewegewedima ta voiedina, be noḡone Mamaitua Rebeka umanama ya riuena: “Gomana tautuaḡa tokare tasinama ḡarone ei taunoyana.” Mamaitua nama ya riuna, inam tauda sibo tè kataie da Mamaitua na ḡoane banaga e vinevinedina, be nam adi noyama debane.

Rom 9:16

Vutuna aubainama banaga yawasana ta paḡona, be nam adi ḡoane bo adi noyama veredima aubaidi, ibewa, be Mamaitua taunaḡa e ḡoeḡoena nama e raukivi verena ḡarodie.

Rom 9:30

Be yodi tà kita da eteni banegidima avedi da didimana nam ti wanewanena, be yaḡoro Mamaitua adi waisumaḡe ya kawa didimanidina.

1 Korint 6:11

Be noḡone ḡesaumima uma kauidima nama koya voivoiedina. Be yodi taumi Yesu Keriso kosinine ya koḡemina, be Arua Babau nopomie e miamiana. Vutuna aubainama Mamaitua yodi yai aninemina.

Galesia 2:16

Be tauda tè kataiena da banaga tarawatue taudi tokare nam yawasana ta banavi, ibewa da waisumaḡa Yesu Kerisoe tokare yawasana tà banavina. Vutuna aubainama tauda mate Keriso tàwai sumaḡena da taune tauda yawasana tà banavina, be nam tarawatue. Baninama tarawatue tauda tokare nam yawasana tà banavi.

Epeses 2:4

Be Mamaitua na raunuatoima dosinama aubainama tauna yai nuapaḡoedana.

Epeses 4:23

Nopomima be ami noḡotama sibo Arue koya rawavaudina.

Epeses 5:26

Mamaitua riune Yesu upae ekalesia ya koḡedi, be ya voiedi da tauna na banagama a tubuḡana.

Kolosia 3:10

be yawasana vaunama koya kotena. Inam vutuna Keriso raḡan patapatanama e rawarawa vaudana. Inam kedane dà yawasanama tokare teneḡinama maika yawasana tauwai tubuḡinama na yawasanama e ruvana maika.

2 Timoti 1:9

Tauna vutuna yai yawasanida be ya vinedana da yawasana babaune tà miana. Baninama nam taudame dà verema aubainama i yawasanidana, ibewa da Mamaitua na raukiviverema be na ogama ruvane. Inam raukiviverenama Yesu Kerisoe ya utedana, muriḡa da yaba matabudi yai tubuḡidina.

Taitos 3:4

Be Mamaitua tauwai yawasanidama na raukiviverema, be na wainuapaḡoma ya maḡatarana raḡanine,

Hibru 10:22

Vutuna aubainama tauda nopodama riuriukauine Mamaitua ḡarone tà naḡona dà waisumaḡe. Be nam tà noḡota bekubeku, baninama Yesu kosinine mira nopode ya kawa vere be tubuḡidama upa verene ya koḡedina. Vutuna aubainama yodi Mamaitua ḡarone nam nuadama e vonainaira.

Hibru 4:16

Vutuna aubainama tauda yodi ma raudebatorada raukivivere Mamaituanama ḡarone tà naḡona, be dabudine tauna na raunuatoie e sagudana dà piripirima raḡandie.

Hibru 6:6

be inam banegidima waisumaḡa ta gose pore be Mamaitua ta mia tautauriena, taudi tokare nam teneteneḡina da ta verau munaḡa be tai sumaḡa. Baninama taudi Mamaitua Natunama ta tupatuparatu munaḡe be patare tawai diboḡina.

1 Pita 1:3

Dà Badama Yesu Keriso Tamanama Mamaitua tà kaisuḡusuḡuna, baninama na raunuatoima ya moraba kauana aubainama, tauna ya voieda da tè tubuḡa vitara be yawasana vaunama ya utedana. Yodi noḡota yawayawasaninama nopode e kenakenana da tokare marae tà naḡona, inam dabudine dà buderima Mamaitua e raberabena. Be inam buderinama marae e kenakenana aubainama, tokare nam e bova bo e gewagewa, ibewa da e kena nonoḡana. Inam kauidima matabudi Mamaitua ya utedana, baninama Yesu Keriso gurie be ya midisuḡu munaḡana.

1 Pita 2:10

Noḡone taumi nam Mamaitua na damma nopone, be yodi taumi na damma nopone ko miamiana. Noḡone Mamaitua na raunuatoima nam ko kataiena, be yodi taumi na raunuatoima koya kataie be koya paḡona.

1 Pita 3:21

Be uma upanama inam babataito ewai matairena. Vutuna yodi ewai yawasanimina. Babataito inam nam tunidama miranama koḡaporenama aubaina, ibewa da babataito baninama inam umanama: Mamaitua tàwai baḡana da nopode dà noḡotama e kawa didimanidi be nuadama e subana. Be inam kauinama tèwai baḡena, Mamaitua tokare e utedana, baninama Yesu Keriso gurie be ya midisuḡu munaḡena aubainama.