Rom 1:7 - Vari Verenama

⁷ Uma letanama yà girugirumina, taumi aitauḡa Rom nopone ḡaromie. Mamaitua taumi yai nuapaḡoemi be ya vinemi da banaga babaumima. Tamadama Mamaitua be Bada Yesu Keriso adi raukivivere be adi subama ḡaromie e kenana.

Rom 1:7 ပူးပေါင်းရင်းမြစ်များ

Metiu 5:16

Inam kauinama teneḡinama nama, taumi banaga ḡarodie nama sibo koya yanana. Inam raḡanine taudi ami voiama veredima ta kitedi, be Tamemima marae isanama ta kawa saḡena.

Jon 20:17

Be Yesu tauna ya riuena, “Nam kwa taukonigu! Baninama taugu yaḡoro nam Tamaguma ḡarone e naḡona. Be yodi tam kwa naḡo tasitasiguma ḡarodie be kwa riuedina, ‘Taugu yà munamunaḡana Tamaguma ḡarone, be taumi mate Tamemima. Tauna yau Mamaituama, be taumi mate ami Mamaituama.’”

Apasol 15:23

Naumeki da apasol uma letanama taudi mate a riupore nawedina: “Kapore eteni banegimima aitauḡa kowai sumaḡana. Tauma tuatuaḡemima apasol be babada, tauma uma letanama kè girumina taumi tauwai sumaḡa Antiok, Siria be Silisiama ḡaromie.

Apasol 9:13

Dabudine Ananaias ya paribee be ya riuna, “Bada, uma tauḡominama na kauama toitoi è vaiedina, da tauna voia gewegewedima toitoi ya voiedina am banagama Jerusalemma ḡarodie.

Rom 1:6

Be taumi mate uma damnama nopodie, baninama Mamaitua taumi ya vinemi da taumi Yesu Keriso ḡaroḡaronama.

Rom 5:1

Yodi Bada Yesu Keriso dà waisumaḡe tauda ya kawa didimanidana, vutuna aubainama yodi tauda be Mamaitua poude suba e kenakenana.

Rom 5:5

Be uma waisumaḡedidinama aubainama tokare nam tài nuaboya, baninama Mamaitua na wainuapaḡoma Arua Babaue nopode ya ḡini porena, baninama tauna Arua Babau ya utedana.

Rom 8:28

Tauda tè kataie da banaga aitauḡa Mamaitua tawai nuapaḡoena, taudi ḡarodie yawasana matabudi veredima, be piripiri ta tubutubuḡana inam vere taudi aubaidima. Uma banegidima taudi vutudi Mamaitua bonimai ya vinedina na ḡoanama ruvane.

Rom 8:39

nam arua gunume bo dobue, nam aba Mamaitua yawai tubuḡidina, nam aba tokare Mamaitua na wainuapaḡoe e dariḡeda, ibewa! Yesu Kerisoe Mamaitua yai kataidana da tauna ewai nuapaḡoedana.

Rom 9:25

Maika Mamaitua peroveta Osea ya riuriuena nama, “Taugu tokare eteni banegidima yà vinedi be yà voiedi da taudi yau banagama. Be taudi nuaguma ta paḡona, avedi da yodi nuaguma nam tima paḡopaḡona.”

1 Korint 1:24

Be tauda Jius be eteni banegidama aitauḡa Mamaitua ya yokoyokoedana tauda Kerisoe, Mamaitua na rewapana be na nuauyauyama tè kataiena. Baninama Kerisoe tauda Mamaitua tè banavina.

1 Korint 16:23

Bada Yesu na raukiviverema ḡaromie e kenana.

2 Korint 13:14

Bada Yesu Keriso na raukiviverema, Mamaitua na wainuapaḡoma be Arua Babau na saguma matabumi ḡaromie ta kenana.

Galesia 6:18

Yau bana, dà Badama Yesu Keriso na raukiviverema ḡaromie e kenana. Inam riukaua.

Epeses 1:2

Taugu aubaimima yà moimoiragina da Tamadama Mamaitua be Bada Yesu Keriso suba ta utemi be mate adi raunuatoima ḡaromie e kenana.

Epeses 6:23

Taugu Tamadama Mamaitua be dà Badama Yesu Keriso yàwai baḡedina da suba, wainuapaḡo be waisumaḡa sibo a utemina.

Pilipi 1:2

Tamadama Mamaitua be Bada Yesu Keriso adi raukiviverema be adi subama ḡaromie e kenana.

Pilipi 4:13

Taugu teneteneḡinama da uma yawasanidima nopodie yà miana, baninama Yesu Keriso na rewapanama e uteuteguna.

Pilipi 4:20

Mamaitua Tamadama neneḡari be kaisuḡusuḡu ḡarone e kena be e kena nonoḡa. Inam riukaua!

Pilipi 4:23

Be Bada Yesu Keriso na raukiviverema naumeki da nopomie e kenana.

Kolosia 1:2

tauma uma letanama ka girugirumina taumi aitauḡa Kerisoe tauwai sumaḡa babaumima be patupatutumima Kolosia meagaine ko miamiana ḡaromie. Tamadama Mamaitua na raukivivere be na subama ḡaromie e kenana.

Kolosia 3:12

Be mate ko noḡoti da taumi nuaguma taupaḡonama be Mamaitua ya vinemi da yodi taumi banaga babaumima. Vutuna aubainama uma yabedie sibo koyai garemina: Raunuatoi, raukivivere, ḡaubomunaḡa, voyaḡota be damiporaḡa.

Kolosia 3:15

Bada Keriso na subama nopomie e kena be ei bademina, baninama taumi matabumi tubuḡa tenaḡa. Inam vutuna aubainama Mamaitua ya vinemi da taumi na subae ko miana. Be Mamaitua koi kaiwena.

1 Tesalonaika 1:1

Taugu Pol, Saelas be Timoti uma letanama ka girugirumina taumi aitauḡa Mamaitua na damma Tesalonaika meagaine ko miamiana ḡaromie. Mamaitua Tamadama, be Bada Yesu Keriso taumi ḡaroḡaronama. Taudi adi raukiviverema be adi subama ḡaromie e kena nonoḡana.

1 Tesalonaika 1:3

baninama waisumaḡa e voiemi da ko noyanoyana, be wainuapaḡo e voiemi da yaba matabudi ko voivoiedina. Be ami noḡotama Bada Yesu Keriso ḡarone koya boru be kowai raba nuetauna Bada na kaba verau munaḡama aubainama.

1 Tesalonaika 1:4

Yau bana, tauma kè kataie da Mamaitua yai nuapaḡoemi be ya vinemi da taumi tauna ḡaroḡaronama.

1 Tesalonaika 4:7

Mamaitua ya vinedana da tauda banaga babaudama sibo tè miana, be nam sibo yawasana miremiredie tè miamia, avedi.

1 Tesalonaika 5:28

Dà Badama Yesu Keriso na raukiviverema ḡaromie e kenana.

2 Tesalonaika 1:2

Mamaitua Tamadama, be Bada Yesu Keriso adi raukiviverema be adi subama ḡaromie e kenana.

2 Tesalonaika 3:16

Yau bana, suba Badanama raḡan patapatanama suba sibo ya utemina, yaba matabuna ḡarone. Bada taumi ḡaromie e miana.

2 Tesalonaika 3:18

Dà Badama Yesu Keriso na raukiviverema ḡaromie e kenana.

1 Timoti 1:2

Tam Timoti ḡarome uma letanama yà girugirumina. Am waisumaḡe tam taugu natuḡomiguma. Tamadama Mamaitua be dà Badama Yesu Keriso adi raukiviverema, adi raunuatoima be adi subama ḡarome ta kenana.

1 Timoti 6:2

Be deḡoda ami babadama waisumeḡidima, naumeki da ko vivira kauedi be nam ko noḡota tuatuaḡaiedi be ko riuna, “Aa, inam tuatuaḡadama, nam bonedima tà vaie.” Inam avedi, be ḡarodie ko noya guratana, baninama taumi matabumi tauwai sumaḡa, be inam kauine taumi taudi ko sagudina. Inam riukauidima kwai katakataidi, be tauwai sumaḡa matabudi kwa riu guratedi da taudi sibo inam riudima a voteyeteyedina.

2 Timoti 1:2

Tam Timoti ḡarome uma letanama yà girugirumina. Am waisumaḡe tam taugu natuḡomiguma. Tamadama Mamaitua be dà Badama Yesu Keriso adi raukiviverema, adi raunuatoima be adi subama ḡarome ta kenana.

2 Timoti 4:22

Bada aruimma e rabena. Be na raukiviverema matabumi ḡaromie e kenana.

Taitos 1:4

Tam Taitos ḡarome uma letanama yà girugirumina. Am waisumaḡe tam taugu natuḡomiguma. Tamadama Mamaitua be tauwai yawasanidama Yesu Keriso adi raukiviverema be adi subama ḡarome ta kenana.

Pirimon 1:25

Bada Yesu Keriso aruimima e rabedina. Be na raukiviverema taumi ḡaromie e kenana.

Pirimon 1:3

Mamaitua Tamadama be Bada Yesu Keriso adi raunuatoima be adi subama ḡaromie ta kenana.

Jeims 1:1

Taugu Jeims, Mamaitua be Bada Yesu Keriso adi taunoyama uma letanama yà girugirumina taumi aitauḡa Jius banegimima tauwai sumaḡa koya daberara be dobu matabuna nopodie ko miamiana ḡaromie, taumi matabumi yàwai kaiwemina.

1 Pita 1:15

Tauna tauvinemima tauna banaga babaunama, vutuna aubainama ami yawasanae yaba matabuna ko voiedina, tauna taunaḡa na ḡoanama ruvane ko voiedina.

1 Jon 3:1

Yodi ko kita da Mamaitua na wainuapaḡoma ya moraba kauana ḡarode, vutuna aubainama ya voieda da yodi na sedama tè tubuḡana. Riukaua da na seda ḡomama tauda! Be aba aubainama dobu banegidima tauda nam ti kataieda, inam baninama taudi Mamaitua nam ti kataiena.

2 Jon 1:3

Mamaitua Tamadama be Natunama Yesu Keriso adi raunuatoi, adi raukivivere be adi subama tauda aitauḡa riukaue be wainuapaḡoe tà miamiana, naumeki da ḡarode ta kenana.

Waimaḡatara 2:1

“Uma letanama kwa girumi be e naḡona Ekalesia Epesesma adi aneama ḡarone. Umanama kwa girumana: Taugu vutuna nimaguma kasaune kipora 7 è ragaudi be kendoro kaidima 7 nopodiḡa yà naḡonaḡona, yau giuma inam umanama:

Waimaḡatara 2:12

“Uma letanama kwa girumi be e naḡona Ekalesia Pegamumma adi aneama ḡarone. umanama kwa girumana: Taugu vutuna kwatikwati menanama murine be karone gamgamdima ḡarogue e kenakenana, yau giuma inam umanama:

Waimaḡatara 2:18

“Uma letanama kwa girumi be e naḡona Ekalesia Taiyatirama adi aneama ḡarone. Umanama kwa girumana: Mamaitua Natunama tauna vutuna matanama kitanama kai menanama waimatakanikaninama maika. Be kaḡanama kitedima maika irama ta gabu be e monamonaunana maika. Tauna na giuma inam umanama:

Waimaḡatara 2:29

Arua Babau aba ekalesia ḡarodie e giugiuedina, taumi aitauḡa beemima e kenakenana, koi beavaia kauana.

Waimaḡatara 2:8

“Uma letanama kwa girumi be e naḡona Ekalesia Simenama adi aneama ḡarone. Umanama kwa girumana: Taugu vutuna pakane da damone miemieniguma, nama yà miamiana, taugu è guri be è yawasana munaḡana, yau giuma inam umanama:

Waimaḡatara 22:21

Bada Yesu na raukiviverema taumi Mamaitua na banagama ḡaromie e kenana. Inam riukaua!

Waimaḡatara 3:14

“Uma letanama kwa girumi be e naḡona Ekalesia Laodisiama adi aneama ḡarone. Taugu vutuna riukaua be matamata waipatutuguma, be riuriukauiguma. Taugu vutuna Mamaitua yaba yawai tubuḡidina tauwai badedima.

Waimaḡatara 3:22

Arua Babau aba ekalesia ḡarodie e giugiuedina, taumi aitauḡa beemima e kenakenana, koi beavaia kauana.”

Waimaḡatara 3:7

“Uma letanama kwa girumi be e naḡona Ekalesia Piladelpiama adi aneama ḡarone. Umanama kwa girumana: Uma giunama inam banaga Babaunama be riuriukauinama na giuma. Be tauna guyau Deivid na kiḡima e kaikaididina. Be tauna matakeda e kaiporena, tokare nam aitau e gudu. Be tauna matakeda e guduna, tokare nam aitau e kaipore. Tauna na giuma inam umanama: