Metiu 11:6 - Vari Verenama

⁶ Be nuavere tauna aitau nam ḡarogue ima noḡonoḡota bekubekuna.”

Metiu 11:6 ပူးပေါင်းရင်းမြစ်များ

Metiu 13:21

Be tauna nam waramina aubainama tauna nam tokare e midi gurata. Raḡanine piripiri bo raukivigewagewa ta tavatavana Mamaitua riunama kana taiye, tauna tokare waiḡapa e bekuna.

Metiu 18:7

“Taumi aitauḡa dobue ami banagama adi waisumaḡe kowai kedadoka waigewedina, taumi ko kita kauana! Raurubu riukaua tokare ta tavana, be aitauḡa da tauraurubu, taumi ko kita kauana!

Metiu 24:10

Inam raḡanine banaga toitoi adi waisumaḡama ta gosedi be adi banagama adi banagama ta tuaḡaiedi be tai kawa biri dobiḡana,

Metiu 26:31

Dabudine Yesu na tauwai muriwatanama ya riuedina, “Manaka kupine taumi matabumi tokare ko goseguna, baninama girugiruminama porane ya riuna, ‘Taugu tokare tauyosi yài guri be sipu adi kaba miama ta gosedi, be ta daberarana.’

Metiu 5:29

Deḡoda matamma kasaunama e kauem da gewagewa kwa voivoiena, naumeki da kwa kunavai be kwa porekaiyatina. Verenama da matamma tenaḡa mate mara nopone kwa saḡana, be nam matamma rabui mate, da Mamaitua gienae e pore nawemna.

Mak 6:3

Tauna kabe Meri natuna tauwai kamda, be Jeims, Jousep, Judas be Saemon tuaḡedi? Be nuvunuvunama mate yodi ḡarode.” Vutuna aubainama taudi a tuaḡaiena.

Luk 2:34

Dabudine Simeon taudi yai aiainidi be gomana tinanama Meri ya riuena, “Israel banegidima toitoi adi yawasanae ta bekuna be toitoi adi yawasanae ta midisuḡuna, uma gomeninama kana taiye. Tauna Mamaitua ewai matairena aubainama banaga toitoi ta riuvirevirena

Luk 7:23

Nuavere tauna aitau nam ḡarogue ima noḡonoḡota bekubekuna.”

Jon 16:1

“Uma kauidima matabudi noḡone è riuemina da taumi ami waisumaḡe tokare nam ko beku.

Jon 6:66

Uma giune Yesu na tauwai muriwatanama toitoi tauna a gose be ai naḡo teḡateḡana.

1 Korint 2:14

Banaga aitauḡa ḡarodie nam Arua Babau, taudi yaba Mamaitua Aruinama ḡarone be ta yovoyovona, taudi nam timawai aninedina, baninama taudi ḡarodie anikitanama kabe yaba wainua buebuedi, vutuna aubainama nam tima katakataiedina. Mamaitua na kauama matabudi Arue sibo tè kita wairuvedina.

Galesia 5:11

Yau bana, taugu waisumaḡa Yesu Kerisoe vutuna yà rarau guguyena, be nam kopitom. Vutuna aubainama Jius banegidima ta raraukivi gewegeweguna. Baninama taudi korosi varinama vaienama ta tuatuaḡai kauena.

1 Pita 2:8

Be mate ya riuna, “Inam yekunama vutuna banaga e voiedi da ta saḡai vitare be ta bekubekuna.” Taudi Mamaitua na giuma ta riuriu tuatuaḡaiena, vutuna aubainama taudi tokare ta bekuna maika Mamaitua ya vinevinedina nama.