Luk 6:45 - Vari Verenama

⁴⁵ Inam kauinama teneḡinama nama banaga verenama, nuanama verenama aubainama, yaba veredima ewai tubuḡidina. Be banaga gewagewanama yaba gewegewediḡa ewai tubuḡidina. Baninama banegidima nopodima noḡota ya moḡavu da mududie ta giugiuna.

Luk 6:45 ပူးပေါင်းရင်းမြစ်များ

Jon 7:38

Aitau da taugu ewai sumaḡeguna, inam baneginama nopone yawasana watutunama e manini dobina maika girugiruminama porane ya riuriuna nama.”

Apasol 5:3

Be Pita ya riuena, “Aba aubainama Seitan kuyai anine da nopomma yai moḡavu be Arua Babau ḡarone kuya kaiyovu be doḡa kuya gimagimarena manenama isudima tam aubaimma kuya rabe kwasedi?

Epeses 3:8

Taugu avedi da banaga yababa Mamaitua na damma nopodie, be tauna ya vineguna da eteni banegidima ḡarodie yà rauguguyana da taudi tokare Kerisoe, waiguyau ya moraba vavasaḡana ta paḡona.

Epeses 4:29

Nam ḡasi bo waisabona mudumie e dobi. Ibewa da ami banagama anitai nuaveredima aubainama, taumi sibo mudumie giu verediḡa a dobidobina.

Epeses 5:19

be Bada riune be sare mate koi kawa duḡu vivira. Be mate sibo koyai gita be Arua saredima sibo nuemima nopone koya riḡeriḡedina Bada ḡarone.

Kolosia 3:16

Be Keriso riunama nopomie e moraba be e maura! Yodibe nuauyauyae banaga koi katakataidi be ko raukuredina. Be ma waikaiwimi Mamaitua ḡarone ko sarena, sare Salamo nopodie, kaisuḡu saredi be aba Arua e riuriuemina, nama ko sarena.

Kolosia 4:6

Raḡan matabuna ami giuma verediḡa ko giu da banaga matabudi beedie vaienama e verena. Ami giuma sibo raḡan matabuna dini boruborunama, maika buta kani e tatai dinina nama. Yodibe taumi tokare banegidima aba ta kaikai nuababaḡena ko giu waibatedina.

Hibru 8:10

Be waianina vaunama yau damma Israel ḡarodie yà boruna inam umanama: Taugu tokare yau tarawatuma nuedie yà girumi be taudi nopodie e kenana. Be taugu tokare taudi adi Mamaituama, be taudi taugu yau banagama.

Jiud 1:15

da banaga matabudi e etaredina. Be banaga tenatenaḡaḡa adi voia waigewama e kawa maḡataridi be e etaredina. Be mate inam banegidima gewegewedima Mamaitua ḡarone a paripari viravira be a kunukunurana, aubainama tokare e etaredina.”