Luk 20:17 - Vari Verenama

¹⁷ Be Yesu ya kitadididi be yai taraviredina, “Deḡoda taugu ama kaikaiyovu, naumeki girugiruminama poranama nopone riu uma ya girugirumina, baninama aba, ‘Vada taukerinama taudi yekue vada a kerikerina, be yeku tenaḡa a pore kaiyatina, baninama taudi ai noḡotana kabe inam yeku gewagewana. Be Mamaitua inam yekunama porepore kaiyatinama ya paḡo be ya voie da na vadama yasinama ya tubuḡana.’

Luk 20:17 ပူးပေါင်းရင်းမြစ်များ

Metiu 21:42

Be Yesu taudi ya riuedina, “Taumi girugiruminama porane koya sievi bo ibewa? Inam umanama ya riuna, ‘Vada taukerinama yekue vada a kerikeri be yeku tenaḡa a porekaiyatina, baninama inam yekunama taudi nam ti ḡoena. Be Mamaitua yekunama poreporenama ya paḡo be ya voie da na vadama e kerikerina yasinama ya tubuḡana. Be inam kauinama Bada ya voiena tauda ḡarode anikitanama ya vere kauana.’

Mak 10:23

Yesu yai kita kwaviviro be na tauwai muriwatanama ya riuedina, “Waiguyau banegidima ḡarodie ya piripiri kaua da tokare Mamaitua na waiguyauma nopone ta saḡa.”

Mak 12:10

Taumi riuwai noḡota poranama nopone girugiruminama koya sievi bo ibewa, da ‘Vada taukerinama yekue vada a kerikeri be yeku tenaḡa a pore kaiyatina, baninama inam yekunama taudi nam ti ḡoena. Be Mamaitua yekunama poreporenama ya paḡo be ya voie da na vadama e kerikerina yasinama ya tubuḡana.

Mak 3:5

Yesu nuanama yai medi da ya kita vireviredina be ya raunuatoi kauedina, baninama taudi adi nopobadoma be adi voia waigewama aubainama. Dabudine Yesu tauḡoma ya riuena, “Nimamma kwai yoyo!” Be tauḡoma nama ya voia be nimanama ya vere munaḡana.

Luk 19:41

Be raḡanine Jerusalem diane ya tava be meagainama ya kitakitana, Yesu ya ḡabana Jerusalem aubainama

Luk 22:37

baninama girugiruminama poranama nopone a girumina taugu aubaiguma, ‘Taudi tauna a voiena maika kabe tauvunuvunuḡa.’”

Luk 22:61

Dabudine Bada yai tautinamuri be Pita ya kitadidina. Inam raḡanine Pita Yesu na giuma uma ya noḡotina, ‘Tam raḡan rabuiteḡa kwa bovieguna da tam nam taugu ku kataieguna, muriḡa da kamkam e riuna.’

Luk 24:44

Dabudine Yesu ya riuedina, “Dokane taugu taumi mate raḡanine be è riuemina da yaba matabudi Mousis na tarawatuma, peroveta be Salamo nopodie a girugirumidina taugu aubaiguma, nama yodi ta tubutubuḡana.”

Jon 15:25

Be adi tarawatuma bukane umanama ewai perovetana, ‘Taudi nam aba gewagewanama ḡarogue ti banavina be a tuaḡai yababeguna.’ Inam giudima yodi ta maḡamaḡatarana.

Apasol 4:11

‘Tauna yekunama vutuna taumi vada taukerinama koya tuaḡaiena, be yekunama Mamaitua ya voie da na vadama yasinama ya tubuḡana’.

Epeses 2:20

Taumi Mamaitua na tempolma, be Mamaitua apasol be peroveta adi noyama debedie ya keridana. Taudi tuatua maika. Be Yesu Keriso inam maika yeku, tuatua pakanama Mamaitua e ramaramana.

1 Pita 2:6

Maika girugiruminama porane ya riuriuna nama: “Taugu yeku Saionma yà boruboruna ko kitana, inam yekunama vutuna vada yasinama. Be yekunama noḡotinama ḡarogue ya moraba kauana. Be aitau uma yekunama ewai sumaḡena, tauna tokare nam tunimayaḡe e mia.”