Luk 2:47 - Vari Verenama

⁴⁷ Be banaga matabudi aitauḡa gomana a vaivaiena, na kataima be na paribeama a base kauena.

Luk 2:47 ပူးပေါင်းရင်းမြစ်များ

Metiu 13:54

Tauna ya munaḡana na meagai ḡomae, be dabudine tauna sinagog nopone ya saḡa, be banaga yawai katakataidina raḡanine, taudi a basa kaue be a riuna, “Uma baneginama deḡo dabudine nuauyauya, be mataira rewapanidima ya ragaudi be uma yabedima e voivoiedi?

Metiu 22:33

Patara umanama giudima a vaivaiena, taudi Yesu na waikatakataima a base kauena.

Metiu 7:28

Yesu na giuma ya kovikovina raḡanine, patara Yesu na waikatakataima a base kauena,

Mak 1:22

Dabudine banaga aitauḡa na waikatakataima nama a vaivaiena, taudi a basena, baninama tauna nam maika tarawatu tauwai katakataidi be tauna na waikatakataima rewapana mate.

Mak 11:18

Naumeki da pirisi adi babadama be tarawatu tauwai katakataidima uma kauinama a vaiena, vutuna aubainama taudi keda a wanewanena da nema sibo Yesu ai guri bakena, be taudi a nairena, baninama patara matabudi na waikatakataima a basebasena.

Mak 6:2

Be Sabat ya tavatavana raḡanine, tauna sinagog nopone waikatakatai yai kare be banaga a riuna, “Uma tauḡominama uma kauidima deḡo ya ragaudi? Uma nuauyauyanama deḡo ya paḡo da tauna mataira mate e voivoiedi!

Luk 2:18

Be banaga matabudi aitauḡa tauyosi adi giuma a vaivaiena, taudi a basena.

Luk 2:46

Raḡan aniwai rabuiteḡane taudi gomana tempol nopone a banavina. Yesu tauna tauwai katakatai poudie ya mia be tauna taudi mate awai giuna be yawai beavaiedina.

Luk 4:22

Be banaga matabudi Yesu isanama a kaisuḡusuḡu, be taudi Yesu na giuma veredima aubainama a basena. Be taudi a riuna, “Tauna Jousep natunama! Be nemanama da umanama e giugiu?”

Luk 4:32

Be banaga na waikatakataima a basena, baninama na waikatakataima yai rewapana kauana.

Jon 7:15

Dabudine Jius banegidima tauna a base be a riuna, “Uma baneginama tauna nam aikedae i girumana. Be nemanama da uma yabedima matabudi ya kataiedi?”

Jon 7:46

Be porisiman a riuna, “Uma baneginama na giuma ai rewapana kauana, nam aitau airaḡan nama i giu rubu be ke vaiena.”