Apasol 8:5 - Vari Verenama

⁵ Pirip ya dobi be ya naḡona Samaria meagainama nopone, be dabudine Yesu Tauwai yawasana na kauama ya rauguguyena.

Apasol 8:5 ပူးပေါင်းရင်းမြစ်များ

Apasol 1:8

Be Arua Babau ḡaromie e yovona raḡanine, taumi tokare rewapana ko paḡo da taumi taugu yau matamatama, Jerusalem, Judia be Samaria nopodie, be dobu matabuna.”

Apasol 21:8

Pomainama kè midisuḡu munaḡana, naumeki da Seseriama kè tavana. Be Pilip tauna vari verenama taurauguguyenama na vadae kè miana. Tauna tenaḡa tauwai kaisagu 7 nopodie.

Apasol 5:42

Be raḡan matabuna tempol be banaga adi vadama nopodiḡa waikatakatai nam ti gosena, be a rarau guguyana da Yesu tauna Tauwai yawasana.

Apasol 6:5

Dabudine banaga matabudi apasol adi giuma ai anine be taudi uma banegidima a vinedina: Stepen, tauna tauḡoma noponama waisumaḡa be Arua Babau ya moḡavu; be Pilip, Porokurus, Nikanor, Timon, Pamenas be Nikolas, tauna Antiok baneginama, be tauna yai rawajiusna.

Apasol 8:1

Be Sol ya riuna da na rauvunuḡama ya vere kauana. Inam raḡaninama teneḡine Jerusalemma raukivi gewagewa dosinama Mamaitua na damma ḡarodie ya tubuḡana. Be dabudi tauwai sumaḡa matabudi ai daberaridina Judia be Samaria nopodiḡa be apasol taudiḡa Jerusalem nopone a mia kwasana.

Apasol 8:26

Bada na aneama Pirip ya riuena, “Kwa midisuḡu be yavaragwae yauwanine kwa naḡo. Kwa naḡo keda Jerusalemma be Gasama naḡonaḡonama dabudi kwa dobi! Uma kedanama inam mutuyuae be banaga nam tima miamiana.”

Apasol 8:30

Dabudine Pirip ya manini ya naḡo tureira diane be e vaiena be tauḡoma peroveta Aisaia na bukama ya siesievi be Pirip tauḡoma yai taravirena, “Aba kwa siesievina kwa katakataie bo ibewa?”

Apasol 8:40

Naumeki da Pirip Asdod meagaine ya maḡatara be tauna meagai matabudi nopodiḡa ya babara naḡo be vari verenama ya rarau guguyena, naumeki da Seseriama ya tavana.

Apasol 8:6

Be tauna mataira ya voivoiedina, banaga a kitedi be na giuma ai beavaia kauena.

Apasol 9:20

Be dabudine tauna synagog nopodie rauguguya yai karena da Yesu tauna Mamaitua Natunama.

1 Korint 1:23

be tauda Keriso tupatuparatunama tà rarau guguyena. Vutuna aubainama Jius taudi nuedima tawai medina, be eteni banegidima ta noḡonoḡotina da tauda kabe tè buabua.

1 Korint 2:2

Ibewa, be yau ogama è taraḡina da Keriso tupatuparatunama, taunaḡa sibo è rauguguyena.

1 Korint 3:11

Be Mamaitua na yekuma inam Yesu Keriso. Vutuna aubainama nam aitau teneteneḡina da yeku ḡesaudima ei midiridi ekalesia kerinama aubainama.