Apasol 2:30 - Vari Verenama

³⁰ Tauna peroveta, vutuna aubainama tauna ya kataiena da na damma nopone tokare Mamaitua na waiguyauma banaga tenaḡa e utena, baninama Mamaitua ya sauga wapana da nama e voiana.

Apasol 2:30 ပူးပေါင်းရင်းမြစ်များ

Metiu 22:43

Be Yesu ya riuedina, “Be nemanama da Arua Babau guyau Deivid nopone ya yovo be tauna umanama ya riuna,

Metiu 27:35

Naumeki da taudi Yesu korosie a tuparatu be na garama ai kasiedina. Be aitau kasie yawai rewapanana, tauna deḡo garanama ya ḡoeḡoena, nama ya paḡona.

Mak 12:36

Be Arua Babau Deivid nopone ya yovo be tauna ḡominama umanama ya riuena, ‘Mamaitua yau Badama ya riuena, Kasaugue kwa miana naumeki da taugu am ḡaviama kaḡamma dibudie yà biridina’.

Luk 24:44

Dabudine Yesu ya riuedina, “Dokane taugu taumi mate raḡanine be è riuemina da yaba matabudi Mousis na tarawatuma, peroveta be Salamo nopodie a girugirumidina taugu aubaiguma, nama yodi ta tubutubuḡana.”

Apasol 1:16

“Yau bana, dokane Arua Babau Deivid ya riuena da banaga tenaḡa Yesu e boru dobiḡena. Be nama Deivid girugiruminama porane ya girumina. Be yodi uma riunama ya tubuḡana. Be uma baneginama tauna Judas. Be tauna Yesu tauvunuḡinama yai keda dokedina.

Rom 1:3

Uma varinama verenama inam natunama dà Badama Yesu Keriso ya giuena. Tauna tubuḡa ḡoma yauwane, tauna Deivid natunama, be

Rom 15:12

Be peroveta Aisaia ya riuna, “Guyau vaunama Jese na dame e tubuḡana, be tauna tokare banaga matabudi ei badedi, be eteni banegidima matabudi tauna tai sumaḡena.”

2 Timoti 2:8

Nam airaḡan nuamma e koa da Yesu tauna vutuna guyau Deivid na dame ya tubuḡana, tauna ya guri be Mamaitua ya kawa midisuḡu munaḡena. Inam vari verenama vutuna taugu yà rarau guguyena.

Hibru 1:1

Boni raḡandie Mamaitua keda tabu be tabu ḡarodie raḡan toitoi waḡawaḡadama Israel ḡarodie ya giugiuna. Be inam giudima matabudi peroveta ya riuedi be taudi yatayatadama Israel ḡarodie a rarau guguyana.

Hibru 3:7

Vutuna aubainama Arua Babau umanama e riuriuna, “Manaka taumi yau giuma ko vaivaiena,

Hibru 4:7

Vutuna aubainama Mamaitua raḡan ḡesau vaunama ya boruna da na damma gabu ḡaukune sibo tè tavana. Be inam raḡaninama tauna yai isana, ‘Manaka’. Be riu ‘Manaka’ boni Deivid ḡarone ya vatovatona, inam vutuna kaite è riuemina, “Manaka taumi yau giuma ko vaivaiena, nam ko kawa nopobadomi.”

Hibru 6:17

Be Mamaitua ya ḡoena da na buderima aitauḡa ta paḡona sibo a katai kaue da tauna na saugama bagibaginama e kenakenana, be nam tokare e vitare. Vutuna aubainama tauna nam waria isane i sauga wapana, ibewa da tauname isane ya saugana.

Hibru 7:21

Be Yesu aubainama Mamaitua umanama ya riuna, “Bada ya sauga wapana da tam pirisi miamia nonoḡimma. Be Bada aba ya sausaugena, nam tokare na noḡotama e vitare.”

2 Pita 1:21

Be nam airaḡan banaga mabidie tiwai perovetana, ibewa da taudi Arua Babau yai dokedi be Mamaitua aba ya vatovatodina, giudima nama taudi a vatovatodina.

Waimaḡatara 17:14

Yodibe taudi Sipu Natunama be na banagama mate waiḡaviedima tai karena. Be Sipu Natunama tokare na ḡaviama ei gwaḡedina, baninama tauna vutuna babada matabudi adi Badama be guyaguyau matabudi adi Guyauma. Be Sipu Natunama na banagama aitauḡa ya yokoedi be ya vinedi da tauwai muriwatana patupatutudima a tubuḡana.”

Waimaḡatara 19:16

Be tauna na garama bogane be muimuine isanama girugirumidima a kenakenana. Be isa inam umanama: Guyaguyau Adi Guyauma Be Babada Adi Badama