1 Jon 2:14 - Vari Verenama

¹⁴ Be mate dosi tautauḡomimima, taugu uma kauidima yà girugirumidina ḡaromie, baninama taumi Bada kaite koya kataiena, tauna vutuna boni pakane da yodi nama e miamiana. Be taumi yarayaraga waisumeḡimima, taugu uma kauidima yà girugirumidina ḡaromie, baninama taumi koyai rewapanana, be Mamaitua riunama nopomie e kenakenana na rewapanae taumi Seitan koya vaisubana.

1 Jon 2:14 ပူးပေါင်းရင်းမြစ်များ

Jon 15:7

Deḡoda taumi nopogue ko mia nonoḡa be riuguma taumi nopomie e kenana, taumi aba kowai baḡena, tokare ko banavina.

Jon 5:38

Tauna ya riuporeguna be taumi nam koi sumaḡeguna, vutuna aubainama na giuma nopomie nam tima kenakenana.

Jon 8:31

Taudi aitauḡa Yesu awai sumaḡena, tauna ya riuedina, “Deḡoda yau waikatakataima ko kaidididi be ko voteyeteyedina, taumi riukaua da yau tauwai muriwatanama.

Jon 8:37

Taugu è kataiena taumi Eibraham na damma, be yaḡoro taumi waiguriguma kowai taina, baninama taugu yau giuma taumi nopomie nam ima kenakenana aubainama.

Epeses 6:10

Yodi yau giuma damonama inam, Bada na rewapanama dosine taumi koi rewapanana.

Pilipi 4:13

Taugu teneteneḡinama da uma yawasanidima nopodie yà miana, baninama Yesu Keriso na rewapanama e uteuteguna.

Kolosia 1:11

Be mate ka moimoiragi da Mamaitua na rewapanama dosi vavasaḡine e kawa rewapanimi da nuemima sibo koya taibagina, be aba ḡaromie ta tubuḡana sibo koya damiporedina.

Kolosia 3:16

Be Keriso riunama nopomie e moraba be e maura! Yodibe nuauyauyae banaga koi katakataidi be ko raukuredina. Be ma waikaiwimi Mamaitua ḡarone ko sarena, sare Salamo nopodie, kaisuḡu saredi be aba Arua e riuriuemina, nama ko sarena.

2 Timoti 2:1

Be tam Timoti natuguma, kwa moiragi da Yesu Keriso na raukiviveree Mamaitua e voiem da kwai rewapanana.

Hibru 8:10

Be waianina vaunama yau damma Israel ḡarodie yà boruna inam umanama: Taugu tokare yau tarawatuma nuedie yà girumi be taudi nopodie e kenana. Be taugu tokare taudi adi Mamaituama, be taudi taugu yau banagama.

1 Jon 1:1

Boni pakane yaba ya kenakenana inam yawasana riunama. Inam riunama vutuna tauma apasol beamaie kè vaiena, matamaie kè kita da kè kita yaḡe be nimamaie kè taikonina.

1 Jon 1:10

Baninama Mamaitua ya riuna da banaga matabuda gewagewa banegidama. Be deḡoda tà riuna tauda nam gewagewa te voia rubuna, tauda inam Mamaitua tà riuriu waikaikaiyovuna, be tauna na riuma tauda nopode nam ima kenakenana.

1 Jon 2:13

Taumi dosi tautauḡomimima, taugu uma kauidima yà girugirumidina ḡaromie, baninama taumi Bada kaite koya kataiena, tauna vutuna boni pakane da yodi nama e miamiana. Be taumi yarayaraga waisumeḡimima, taugu uma kauidima yà girugirumidina ḡaromie, baninama taumi Seitan koya vaisubana. Be taumi seda matabumi, taugu uma kauidima yà girugirumidina ḡaromie, baninama taumi kaite Tamadama Mamaitua koya kataiena.

2 Jon 1:2

Bada na riukauama nopode e kenakenana aubainama, tokare tauna mate tà mia nonoḡana.

3 Jon 1:3

Be dà banagama ḡesaudima ḡarogue a tava be ai variguna da tam Bada kuya katai kaue be na riukauama ruvane nama kwawai patutu kauana. Be am yawasanae raḡan matabuna riukaua ruvane nama kwa miamiana, vutuna aubainama taugu yàwai nuavere kauana.

Waimaḡatara 2:3

Be taumi koya kaigurate da piripiri matabudi koya damidami poredina taugu isaguma aubainama, be nam ko tunibadona.

Waimaḡatara 2:7

Arua Babau aba ekalesia ḡarodie e giugiuedina, taumi aitauḡa beemima e kenakenana, koi beavaia kauana. Tauna aitau inam yabedima e vaisubedina, tauna tokare yai anine da yawasana kainama votanama paradaisie e kanina.