1 Utasorhonika 4:16 - Ibibemuwe-Num Iyiki Ifa Ru Dũya

¹⁶ Ubinkutsu Uteijee nibikanga awuri idzeka afã acipuwa, nggu uyisa ijee utsotsorakpɔ, nggu urhɛm unggbaashi ípfu itser-Num nu irhak utsom ukpu Unum, abika akpe ru Ukiristo awuri igbaashia asok.

1 Utasorhonika 4:16 ပူးပေါင်းရင်းမြစ်များ

Umatta 16:27

Ungwɛ̃-Ner awuri ibanga nggu ikpikpoi Utɛnga nggu ípfu itsernga, mɔcɛ unga aka ifai ubɛn unera itsernga aka atɔ̃.

Umatta 16:28

Umum indɛyiwa umbi idzidzɛrhe, abɔɔ rabɔ adɛ̃ɛ̃ nggimi asi íkpembɔ utsɛku umbɔ aka inyã ibiba Ungwɛ̃-Ner ri Iyɛrhanga.>>

Umatta 25:31

<

Umatta 26:64

Uyesu agɔr unga agɛ, <>

Abi Itser-Yesu 1:11

Iner ha igɔr umbɔ ugɛ, <>

1 Ukorinti 15:18

Mɔcɛ abirabɛ aka akpe ru ubok iwɛrhɛ nggu Ukiristo, umbɔ aka atsĩmbɔ nukpɔ.

1 Ukorinti 15:20

Bɔr awu idzidzɛrhe asoyikumbɔ Ukiristo ra akpe. Unga awu ugbaashi uwuku usok ra akpe ra abirabɛ aka akpe.

1 Ukorinti 15:23

Bɔr awuri isoyiwe ubɛn unera ri ivangnga. Ukiristo awuri igbaashia asok, mɔcɛ ivangyɛ unga aka iba awuri isoyiwe abika awe abinga.

1 Utasorhonika 1:10

na adzɛu Ungwɛ̃nga aka idzeka afã, uwuruwi unga aka azituwe ra akpe, Uyesu uwuku ushɔɔrte umɛn ru uvɔmwi uku iba.

1 Utasorhonika 3:11

Unum Utɛmɛn itsikamnga nu Uteijeemɛn Uyesu ama ayanguwa utsĩndĩ uwuku uba ru umbi.

2 Utasorhonika 1:7

na awoshuwa umbi abika awu ru uver, nggu umɛn igamɛn. Akɛrɛ awuri idzeka ru unumkpi Uteijee Uyesu aka idzeka afã aba nggu nggaa ípfu itsernga iyi ijee,

2 Utasorhonika 2:1

Ra arherhe ibiba Uteijeemɛn Uyesu Ukiristo nu ikikɔngmɛn ru unga, umɛn ishɔ̃rhã umbi angwɛ̃mɛn nu anapumɛn.

2 Ubitru 3:10

Bɔr unum ukpu Uteijee uwuri iba ru nyaku uvɛu. Afã awuri igwirke ru nggaa ubvun, abin afã nggu abĩ awuri ikpikpĩĩ atsim, nu abĩ nu ubɛn ubin uku uwe ru ake awuri igwigwir.

Uyahuda 1:9

Bɔr uko Umika'irhu unggbaashi Ípfu itser-Num, unga asi ikeramɛn anyatunga Undenggũ use arhenunga unga, bɔr agɔr agɛ, <> Akɛrɛ akorhe ri ivangyɛ ngge iki idɛ̃ɛ̃ uning nggu Undenggũ ru ukom iyor Umusa.

Irhi Uyohana 1:10

Ru Unum ukpu Uteijee, Ipfu-Num iwengge ru umum, ni inggũmum urhɛm ukerketakpɔ ru undzingmum ru nyaki ibar atsom,

Irhi Uyohana 1:7

Unyã, unga anu iba nggu amɛɛ, ubɛn asu awuri inyãke unga, uko abika atar unga ikon. Nu kishoo idũa ru upfung awuri idɔngmbɔ amɛn ru unga. Ngge iwe rimi hã! Iwerimi.

Irhi Uyohana 14:13

Mɔcɛ umum igũ urhɛm uku udzeka afã ugɔr ugɛ, <> Ipfu-Num igɔr igɛ, <<Ĩĩ, umbɔ awuri iwoshumbɔ ri itsermbɔ, ubinkutsu itosi itsermbɔ idɔsa umbɔ!>>

Irhi Uyohana 8:13

Umum iki irhi inyã, umum igũ isew iyɔɔ iyiki itĩ ra afɛk afafã iciu akpe ikerketangge, igɔr igɛ, <>

Irhi Uyohana 8:2

Mɔcɛ umum inyã ípfu itser-Num utɔɔva iki idɛ̃ɛ̃ ra asu Unum, umbɔ adzowe umbɔ atsom utɔɔva.