Yedi 8:4 - I bowon a pagpakikasungdu

⁴ Nano ay i manga gepanulusun a napakálat ay misan deno ide makadetong ay gesabi ide ni piyon a bereta tungkul de Hisus.

Yedi 8:4 ပူးပေါင်းရင်းမြစ်များ

Mateo 10:23

Ay be pepahedepan de ikamo de isin a benwaan ay gumikan kamo a paagow de isin di a benwaan. Ta talage a matud i pesabi ko dikamo a an yud nádetong i pesan a benwaan ni sákup ni Israel ay nádetong ok di a Pineta nun Makedepat a napa ni agta.

Lukas 1:2

Ta i sinolat de ay i sinabi dikami ni manga tagibu ide a gepamatud, a te manga tungkolin a getodu ni surut nun Makedepat.

Yedi 11:19

Nano ay nun bunoin ni Hudyo ide i Isteban, a pinahedepan de pala i gepanulusun ide de Hisus ay kinumálat i pinahedepan ide a kinumang de sákup ni Penisia, de Pugu a Kipre pati de benwaan a Antiokia ta nagsabi ide duman ni piyon a bereta de Hudyo la ide.

Yedi 15:35

Ta ide Pablo pati Bernabi pala ay tinumaan pa ide duman a te kakoloy ni makmuk pa a getodu pati gesabi ni surut nun Panginoon.

Yedi 8:1

I Saulo a te ngalan a Pablo ay nagkasalig de pagkalibun ni Isteban. I bengkay pan ni Isteban ay tinapor ni gegelang ide de Makedepat ta ide ay nagtangos a masakut. Nano gepo de adow a inon ay pinahedepan i manga gepanulusun a kapolongan de Herusalem. Ta napakálat ide de kulukaginglan ni sákup ni Hudia pati de Samaria puwide la i mag-aatid ide.

Yedi 8:12

Misan ay nun magsabi pan i Pilepi duman ni piyon a bereta a tungkul de Hisu Kristo pati ti papalano a te kapangyedihan i Makedepat de innawa ni agta ay nagpanulusun i mahuna pati lalaki a lininod a tuloy.

1 Tesalonika 2:2

Natinggesan yu pala a linibek kami pati pinaapdisan de benwaan a Pilepos. Misan ay pinatibong ni Makedepat i innawa mi tangani ikami ay magsabi dikamo ni piyon a bereta misan pan ay makmuk i geabet de inon a pagsabi.