Yedi 7:36 - I bowon a pagpakikasungdu

³⁶ Kanya i Moises ngani i ponu de a nangikag dide gepo de Ihipto ta yinadi na i gepakataka pati tande de Ihipto, de Atab a Maderag pati de lugel a ilang ni apat a puwu a taon.

Yedi 7:36 ပူးပေါင်းရင်းမြစ်များ

Huwen 4:48

Sinabi diya ni Hisus, “Hanggen ang kamo nekita ni gepakataka o tande ay ang kamo nonulusun.”

Yedi 13:18

Ta nun ide ay duman pa de lugel a ilang ay tiniyagean pan ide ni Makedepat ni apat a puwu a taon.

Yedi 7:42

Ta kinapoyen ide ni Makedepat a pinabiyaan na ide a magpodi de adow, bulan pati butatala ide. Ta te duman de kasulatan ni magsasabi ide i hinola de a geapo de Makedepat a magioyo, ‘Ikamo a mangápo ni Israel ay an la ako i pehandogen yu ni manga paaged ide de lugel a ilang ni apat a puwu a taon.

Hebreo 3:8

ay depat a tumalinga kamo, a wet yu pakisaá i innawa yu a magi kaapoapohan yu ide a kinumapoy deko nun nowon de lugel a ilang ta misan kinta de i makmuk a yinadi ko a gepakataka de apat a puwu a taon ay sinubukan ok de pala a tuloy, a nagyedi ide ni malot tangani matinggesan de ti podusahan ko ide.

Hebreo 8:9

I bowon i ay an magi pagpakikasungdu ko de kaapoapohan de ide nun ide ay binulwag ko de bensa a Ihipto ta an ide tinumalinga a tuloy de inon a pagpakikasungdu ko kanya pinabiyaan ko ide.”