Yedi 23:23 - I bowon a pagpakikasungdu

²³ Kanya inolangan nun kaditasan a kapitan un aduwa a kapitan ta sinabi na dide, “Handein yu i aduwa a dian a sundelo a te manga utak a nosut de pito a puwu a násakoy de kabeyo pati aduwa pala a dian a te manga geyang ta kumang kamo de benwaan a Sesarea de manga siyam ni abi.

Yedi 23:23 ပူးပေါင်းရင်းမြစ်များ

Mateo 14:25

Nano ay nun mandeli di a adow ay inumabut dide i Hisus a getotul de disapow ni uluataben.

Lukas 12:38

Talage a piyon i kapuoyen ni manga katabeng a nappahande de pagdetong ni panginoon de misan dumatong de gitna ni abi o de mandeli a abiabi.

Yedi 23:22

Dingan sinabi nun kaditasan a kapitan de gèulittaw, “Wet mo sasabia misan dino a pinatingges mo yo deko.”

Yedi 23:31

Ta tinumalinga pan i sundelo ide de dinodul dide ta nun abi di ay inamit de i Pablo ta inikag de de benwaan a Antipatris.

Yedi 23:32

Misan ay nun kinábiabian ay inumampulang un sundelo ide de pigtaanan de de Herusalem misan ay nawalat i te manga kabeyo ide a gealáge ide de Pablo hanggen de benwaan a Sesarea.

Yedi 23:33

Pagdetong de duman ay inikag de i Pablo de Gubernador ta binoy de pala un solat.

Yedi 24:7

Dingan dinumatong pan i Lisias a kaditasan a kapitan a inagow na eya dikami a mapelit.

Yedi 8:40

Ta i Pilepi pan ay duman di makatingges ni pagkaagta na de benwaan a Asoto ta gepo duman ay nagsabi eya ni piyon a bereta tungkul de Hisus de bulubenwaan hanggen dinumatong eya de benwaan a Sesarea.