Yedi 10:9 - I bowon a pagpakikasungdu

⁹ Nunde sinumunud a adow, a alane di i dinodul ide de Hope ay i Pedro pan ay sinumalakat de ditas a salog tangani duman eya manalangin ta nun nanon ay manga udto di.

Yedi 10:9 ပူးပေါင်းရင်းမြစ်များ

Mateo 20:5

Misan ay binumulwag pan di eya nun udto di pati nun apun di a kadepit ta maginon pala i yinadi na.

Mateo 24:17

Ta i naddekatobengan ni beloy na ay wet di nesilong a nángamit ni misan ano de beloy na.

Mateo 27:45

Nano ay gepo nun udto di ay hanggen de apun a kadepit ay dinumumos i pesan a putok.

Mateo 6:6

Misan ikamo be gepanalangin kamo ay sumilong kamo de disalad ni pig-idean yu ta abetan yu i pintohan ta dingan manalangin kamo de Ama yu a an pekita ni kaagtaan. Ta eya a gekita ni pagyedi yu a nattagu ay bebilosan na ngani ikamo.

Markos 1:35

Nano ay nun mandeli pa a adow ay ginumiyos i Hisus ta kinumang eya de lugel a ilang ta nanalangin.

Markos 6:46

Pagkatotul nun agta ide ay sinumakat pan i Hisus de pagotan tangani manalangin.

Yedi 10:3

Nano ay isin a apun a kadepit ay kinta na a talage de pangitaán a sinumilong de beloy na i anghel nun Madedepat. Dingan inolangan eya nun anghel a, “Kornelio.”

Yedi 6:4

Ta ikami pan ay depat a nappahande kami ni pesan a panahon de pagpanalangin pati de pagtodu ni surut nun Makedepat.”

Epeso 6:18

Nano ay dehil de tabeng ni Ispiritu ay magpanalangin kamo a ugnay a geaged ni tabeng nunde Makedepat. Ta depat kamo a nappahande a ugnay a geaged pala a tuloy para nunde pesan a pineta nun Makedepat.

1 Timoteo 2:8

Kanya buot ko tebe a de belang pagpolong yu, a i manga lalaki ay magpanalangin a paditasin de i kumot de a an migyedi ni malot, a an ide migkagengsa, a an migpakipagebuk.