Roma 4:18 - I bowon a pagpakikasungdu

^18-19 Nano ay sinabi ni Makedepat de Abraham a bebiyen na ide a magkálaki ni anak a isin, a gekaanak ni makmuk a nappa ni hanga a bensa. An napa ni mahena i pagpanulusun ni Abraham nun naesip na a tungkul de lawes na a matande di a masakut a isin a dian a taon pati nun naesip na a tungkul de bebi na a Sara a tinumakig di i panahon a panganak na. Ta misan an di te pag-asa de sadile na ay te pag-asa pa, a te pagpanulusun de Makedepat kanya de maginon ay eya ay napa ni ama ni pesan a gepanulusun. Ta sinabi diya ni Makedepat a “Nappa ni makmuk i mangápo mo, Abraham.”

Roma 4:18 ပူးပေါင်းရင်းမြစ်များ

Lukas 1:18

Dingan tinanto ni Sakarias de anghel, “Papalano man a ketinggesan ko a inon ay matud? Ta ikami pan a magkálaki ay matandein di.”

Yedi 27:25

Kanya patibongin yu i innawa yu ta gepanulusun ok de Makedepat a nangyeyedi i pesan a sinabi na deko.

Roma 4:17

Ta magioyo i pesabi ni kasulatan a, “I Abraham ay yinadi ni Makedepat a ama ni pesan a gepanulusun de kamakmokan a bensa.” Kanya de pekita ni Makedepat a pepanulusonan ni Abraham ay eya ngani ay ama ni pesan a gepanulusun ta talage i Makedepat i gepakaedup de nalibunin pati magyeyédi ninon a am pa yinadi.

Roma 5:5

Talage a i pag-asa a matibong ay an naeyenan ni kabuluhan ta i pagbuot ni Makedepat ay pepatibong na i innawa tam de padean ni Ispiritu na a binoy na dikitam.

Roma 8:24

Nano ay naligtas kitam di a geasa a gekalawes ni bowon misan be nangyedi di i peasahan tam ay an di i pag-asa ta kinta tam di. Ta an te misan ino a agta a geasa de napaduman di diya,

Hebreo 6:19

Ta i pag-asa a oyo a matud a pakisá de pangako ni Makedepat ay magi pasangit ni innawa tam ta i pangako ni Makedepat a peasahan tam ay nangadde dikitam de langot a alane ni Makedepat.