Roma 3:3 - I bowon a pagpakikasungdu

³ Nano ay matud ngani a an nagpanulusun de pinangáko ni Makedepat i kamakmokan a Hudyo misan ay an naeyenan i pinangako ni Makedepat dehil dide a an naponulusonan.

Roma 3:3 ပူးပေါင်းရင်းမြစ်များ

Mateo 24:35

Talage a nesede di i putok i pati langot misan ay i surut ko pan ay angani neeyenan ni kabuluhan.

Huwen 1:16

Nano ay gepo de pagbuot a masakut ni Surut ay petanggep tam a pesan i kapiyonan na a tuloy tuloy.

Roma 10:16

Talage a matud a i pagpanulusun ay geapo de pagpatalikngoy ta i pagpatalikngoy pan ay geapo de pagsabi ni piyon a bereta a tungkul de Hisu Kristo. Misan ay i kamakmokan a nagpatalikngoy ay an nagtalinga ta sinabi pan ni magsasabi a Isais a magioyo, “Panginoon, kasta an te nagpanulusun misan isin de surut yu a pesabi mi.”

Roma 11:29

Ta i Makedepat ay an gebulubowon a unabis i esip na tungkul de paaged na pati pagpeta.

Roma 9:6

Misan kinumapoy i kamakmokan a Hudyo de pangako ni Makedepat ay an naeyenan ni kabuluhan i pangako na ta an i pesan a pinanganak a Hudyo ay kadugeng de pineta ide ni Makedepat.

2 Korinto 3:18

Ta ikitam a nábut di i abet de katinggesan tam ay nappatud di a gepakalawag kitam de gepakaingap ni Panginoon ta dehil de kapangyedihan ni Ispiritu nun Panginoon ay nobowon kitam a tuloy a nappa ni magi eya.

2 Tesalonika 1:3

Manga kabinsa, nagkaddepat a gepasalamat kami de Makedepat a ugnay dehil dikamo. Depat a yediin mi inon ta getibong a sukul i pagpanulusun yu de Kristo ta i pagbuot yu ay gehanga pala de belang isin dikamo.

2 Timoteo 2:13

Be ang kitam naponulusonan ay naponulusonan la i Kristo. Ta i napa diya ay an na peeyenan.”

Hebreo 4:2

Ta i kaapoapohan yu ide ay inumikna pala a magi ikitam ni piyon a bereta misan ay an ide nakinabeng de inon a bereta a inikna de ta an de pinanulusonan.