Roma 3:19 - I bowon a pagpakikasungdu

¹⁹ Nano ay katinggesan tam a te kapangyedihan de pesan a agta i pagdodul ide tangani peabuyenan de a ide ay makikkakasalanan a an te nadedehilan ta i pesan dio de putok i ay násagkad a gepamatud tungkul de mammalotin de de Makedepat.

Roma 3:19 ပူးပေါင်းရင်းမြစ်များ

Huwen 15:25

Kanya de maginon ay nangyedi di i hinola de kasulatan a peasahan de a magioyo a ‘Pagkagengsaan ok de a an te kasalanan.’

Huwen 8:9

Misan nun inikna de inon ay namamos ide de sadile de a mammalotin ta tinumotul ide a pesan a uluisin, a naona i namas pa a matande dide ta duman la i Hisus pati mahuna a inumuddi.

Roma 1:20

Ta an ide te nadedehilan a sasabi a an de katinggesan be te duman a Makedepat o eyen ta gepo pa nun yinadi ni Makedepat i putok i ay katinggesan di ni manga agta a dehil de yinadi na ay te Makedepat a an de pekita. Ta pinamatoden di ni yinadi na a eya i Makedepat a matud a te kapangyedihan a an te kalog.

Roma 3:2

Ay talage a nagkaduman i Hudyo ide ni makmuk a kapiyonan ta i tagibu ay binoy ni Makedepat dikitam a Hudyo i pinangako na ide a i surut na.

Roma 3:23

Ta matud ngani a i pesan ay nagkasala, a an nagkaddepat a nakalani de Makedepat.

Roma 3:4

Talage a mutud a butelan i pesan a agta dio de putok i misan i Makedepat ay eyen. Ta te duman de kasulatan i sinabi ni Hari a Debid a magioyo, “Ay pepamatoden ko di a i paghatol yu dikami a kaagtaan ay nappaayun de mammalotin mi kanya, Makedepat, ay nanalo kamo de misan ino a gebintang dikamo ni malot.”

Roma 3:9

Kanya tungkul de mammalotin ni agta ay kapadepade la i kapuoyen ni Hudyo pati an Hudyo. Ta pinamatoden ko di a nadeog i kaagtaan a pesan ni mammalotin, Hudyo man o an Hudyo.

1 Korinto 1:29

Kanya pan talage a an te nakapemayabeng misan ino de kasagkaden ni Makedepat.

Galasia 3:10

Misan i pesan a geasa pa de pag-abut de de pagdodul ide ay nappa dide i padusa ni Makedepat ta te duman de kasulatan a, “Podusahan i belang agta a an getalinga de pesan a pagdodul a nassolat.”

Galasia 4:21

I oyo i sasabi ko dikamo a geasa de pag-abut yu de pagdodul ide ta kasta ni an yu katinggesan i kabuluhan ni pagdodul ide.

Galasia 4:5

Ta dingan tinobus na ikitam a nagkadeog ni pagdodul ide tangani ikitam ay nappa ni minangának di ni Makedepat.

Galasia 5:18

Misan be magpasákup kamo de Ispiritu ay ang kamo nadeog ni pagdodul ide.