Pagpakita 18:8 - I bowon a pagpakikasungdu

⁸ Misan pan ay dehil de inon ide a pagmayabeng na ay nádetong diya a sabey sabey i pampadusa ide de isin la a adow ta eya ay gekaduman ni orom, lungkut pati tigeng ta eya ay sosunug de apoy ta i Panginoon a Makedepat a nanhahatol diya ay te kapangyedihan a masakut.”

Pagpakita 18:8 ပူးပေါင်းရင်းမြစ်များ

1 Korinto 10:22

Talage a wet yu pakágengsaa i Panginoon ta eya ay makapangyedihan pa dikitam.

Pagpakita 11:17

Ta sinabi de, “Gepasalamat kami dikamo Panginoon a Makedepat a Makapangyedihan de pesan ta ikamo i Makedepat gepo nun magpakapide pa man pati nano ta napa dikamo di i kapangyedihan a gesákup de pesan.

Pagpakita 17:16

Ta i sangpuwu pan a sawit a i manga hari a kinta mo pati tagibu a te edup ay nagkagengsa de mahuna a migyedi ni malot ta aagow de i pesan a adi ni mahuna ta pabiyaan de eya a óbe dingan papangan de i unid na ta sosunug de pan i nattide.

Pagpakita 17:18

“Ta i mahuna a kinta mo ay eya i makapangyedihan a benwaan a te kapangyedihan di de manga hari dio de putok i.”

Pagpakita 18:17

misan ay i pesan a kayamanan na ay nakanugun di de isin la a odes.” Gepo de alayu ay napasayéd duman i manga ponu ni sakoyen de atab, nappasakoy ide, katabeng de sakoyen pati ide a pesan a gehanap ni pakinabeng de de pagbiyehe de atab.

Pagpakita 18:19

Dingan dinumanan de i ulo de ni depog a tande ni lungkut de a gepinagtangos ide a masakut a sinabi de a malagdu, “Gepakatakut di a masakut i sinumapit de inon a makapangyedihan a benwaan ta yinumaman i pesan a te sakoyen de atab dehil de pakinabeng de diya misan ay nakanugun di de isin la a odes i kayamanan na.”

Pagpakita 19:3

Nano ay kinumanta i kamakmokan de langot a liwet, “Magpodi kitam di de Makedepat ta an te kalog a geditas i asuk ni pinadusahan a makapangyedihan a benwaan a Babilonia.”