Pagpakita 18:3 - I bowon a pagpakikasungdu

³ Ta nabugnang i kamakmokan a agta de pesan a bensa ni magi alak a pagtodu na ta i manga hari pan ay nakialam diya pati i gelawag ide ni pakinabeng dio de putok i ay yinumaman ide dehil de makmuk a buot na a kauluamamos.”

Pagpakita 18:3 ပူးပေါင်းရင်းမြစ်များ

Lukas 7:25

Pati an yu pala eya kinta a gedemit ni masampatin ta talage i gedemit ni maginon ay te piyon a edup a getaan pa de beloy ide a hanga ni hari ide.

1 Timoteo 5:11

Misan wet mo bebiyen ni keedup ni kapolongan i belo ide a minangának pa. Ta be nádetong de esip de a ide ay gebebi a liwet ay nelipatan de i tungkolin de de Kristo.

Pagpakita 14:8

Linumewes pan a nagsabi i káduwa a anghel a magioyo, “Nasede dingani i makapangyedihan a benwaan a Babilonia ta pinainom ni tage duman ide i manga agta de belang bensa ni magi alak a i kauluamamos a pagpodi de makedepat ide a an matud.”

Pagpakita 17:2

I manga hari dio de putok i ay nabugnang ide ni magi alak a i pagtodu dide ni oyo a mahuna a malot ta kasta nagpakialam ide diya de pagpodi de de Makedepat ide a an matud.”

Pagpakita 18:19

Dingan dinumanan de i ulo de ni depog a tande ni lungkut de a gepinagtangos ide a masakut a sinabi de a malagdu, “Gepakatakut di a masakut i sinumapit de inon a makapangyedihan a benwaan ta yinumaman i pesan a te sakoyen de atab dehil de pakinabeng de diya misan ay nakanugun di de isin la a odes i kayamanan na.”

Pagpakita 18:23

Ta an di pala te matallang a salong a unabis dena pati an di te kasalegen ni pagkasal a eikna dena dikamo. Talage hanggen nano ay te kapangyedihan a masakut de pesan a lugel i tage dikamo a gelawag ni pakinabeng de ta nano pan ay an di. Pati ikamo Babilonia ay podusahan ta nandeya kamo de kaagtaan de pesan a bensa ni kamalotan a pagtodu yu pati binuno dena dikamo i manga magsasabi ni Makedepat pati pineta na ide ta dehil dikamo pala ay binuno i kamakmokan de pesan a lugel.”

Pagpakita 18:7

Ta nagmayabeng eya a nagyedi ni malot kanya depat pala a bebiyen eya ni kahedepan pati lungkut ta naddeinnawa na a ugnay a, ‘Ako i Rena a te kapangyedihan ta anok nappa ni belo a nátangos kapide man.’

Pagpakita 18:9

Dingan i manga hari dio de putok a nakialam diya a an te amamos ay gepinagtangos di be kekita de i asuk ni apoy a geapo de inon a benwaan.