Pagpakita 18:16 - I bowon a pagpakikasungdu

¹⁶ “Gepakatakut i nangyedi de oyo a makapangyedihan a benwaan a Babilonia ta nun tagibu ay nappabedu eya ni mahalagein a mulumaderag a mulumalatom ta napadiya pala i pesan a kasampatan a ginto, perlas pati mahalage a beto

Pagpakita 18:16 ပူးပေါင်းရင်းမြစ်များ

Pagpakita 17:3

Dingan te kapangyedihan deko a masakut i Ispiritu nun Makedepat ta inikag ok ni anghel de lugel a ilang. Pagdetong duman ay kinta ko i mahuna a nappasakoy de isin a maderag a te edup a i tagibu a magi hayup a te pito a ulo pati sangpuwu a sawit ta nassolat de pesan na a lawes i ngalan ide a an te gelang de Makedepat.

Pagpakita 17:4

I bedu pan ni mahuna ay mulumaderag a mulumalatom a magi bedu ni hari ta te duman pala a nappakitad de bedu na a ginto, perlas pati mahalage a beto. Ta eya ay nomol ni oniden a ginto a pino ni kauluamammos a mammalotin na a geapo de pagpakialam na.

Pagpakita 18:18

Ta pagkasayéd de ni asuk ni nagkosunug a benwaan ay sinabi de a malagdu, “Kanugun nay a benwaan ta an te kapadepade hanggen nun de gepo.”

Pagpakita 18:19

Dingan dinumanan de i ulo de ni depog a tande ni lungkut de a gepinagtangos ide a masakut a sinabi de a malagdu, “Gepakatakut di a masakut i sinumapit de inon a makapangyedihan a benwaan ta yinumaman i pesan a te sakoyen de atab dehil de pakinabeng de diya misan ay nakanugun di de isin la a odes i kayamanan na.”