Pagpakita 18:10 - I bowon a pagpakikasungdu

¹⁰ Ide ay nouddi dila de alayu ta nagkatakut ide ta makati ide ay nakkakoloy na de padusa a inon ta sasabi de, “Gepakatakut ngani i sinumapit de Babilonia a benwaan a makapangyedihan ta de isin la a odes ay nangyedi di i padusa diya.”

Pagpakita 18:10 ပူးပေါင်းရင်းမြစ်များ

Pagpakita 18:19

Dingan dinumanan de i ulo de ni depog a tande ni lungkut de a gepinagtangos ide a masakut a sinabi de a malagdu, “Gepakatakut di a masakut i sinumapit de inon a makapangyedihan a benwaan ta yinumaman i pesan a te sakoyen de atab dehil de pakinabeng de diya misan ay nakanugun di de isin la a odes i kayamanan na.”

Pagpakita 18:8

Misan pan ay dehil de inon ide a pagmayabeng na ay nádetong diya a sabey sabey i pampadusa ide de isin la a adow ta eya ay gekaduman ni orom, lungkut pati tigeng ta eya ay sosunug de apoy ta i Panginoon a Makedepat a nanhahatol diya ay te kapangyedihan a masakut.”

Pagpakita 14:8

Linumewes pan a nagsabi i káduwa a anghel a magioyo, “Nasede dingani i makapangyedihan a benwaan a Babilonia ta pinainom ni tage duman ide i manga agta de belang bensa ni magi alak a i kauluamamos a pagpodi de makedepat ide a an matud.”

Pagpakita 17:12

“I sangpuwu pan a sawit a kinta mo ay sangpuwu a hari a am pa gekaduman ni nasasakopan misan ay bebiyen ide ni kapangyedihan a gesákup a sabey de tagibu a te edup a magi hayup, ni isin la a odes.

Pagpakita 11:8

Ta i bengkay de ay pabiyaan de de karsade ni hanga a benwaan a te ngalan pala a Sodoma pati Ihipto ta duman pala pinaku ni kaagtaan de padipa i Panginoon de.

Pagpakita 16:19

Ta i makapangyedihan a benwaan ay nabinsa de katiluwon a binsa ta i manga benwaan de bukud bukud a lugel ay napuksa pala ta pinadusahan ni Makedepat i makapangyedihan a benwaan a Babilonia gepo de hanga a masakut a gengsa na.

Pagpakita 18:18

Ta pagkasayéd de ni asuk ni nagkosunug a benwaan ay sinabi de a malagdu, “Kanugun nay a benwaan ta an te kapadepade hanggen nun de gepo.”

Pagpakita 18:21

Dingan i isin a makapangyedihan a anghel ay nangamit ni hanga a beto ta pinalagdu na a masakut i pamonglag na de atab ta sinabi na a magioyo, “Magioyo i kalagdu ni panwitik ni makapangyedihan a benwaan a Babilonia ta an di eya kekita a liwet.