Pagpakita 12:5 - I bowon a pagpakikasungdu

⁵ Ta nanganak ngani i mahuna ni isin a lalaki a gehari a mahigpit de pesan a lugel misan ay i anak a inon ay inagow ni Makedepat a inadde de piglipaan na.

Pagpakita 12:5 ပူးပေါင်းရင်းမြစ်များ

Mateo 1:25

Misan an pelanean ni Hose i Maria hanggen an pepanganak i anak a lalaki. Nginalanan ni Hose i kilasaan a Hisus.

Markos 16:19

Nano ay pagkatapos a nagsabi dide i Panginoon a Hisus ay pinaditas eya de langot ta duman linumipa de awenan ni Makedepat.

2 Korinto 12:2

Ta nun sangpuwu pati apat a taon ay ako a gepakikaisin de Kristo ay inadde de katiluwon a langot misan ang ko la katinggesan ti inon ay matud a nangyedi deko o tande la ta i Makedepat la i naketingges ninon misan pan ay katinggesan ko ngani a inadde ok de masampat a lugel de langot.

2 Korinto 12:4

Ta duman ok inumikna ni an depat a petingges ko de misan ino a agta.

Pagpakita 11:12

Ta dingan eikna de i malagdu a surut a geapo de langot a magioyo, “Sumalakat kamo dio.” Ta de pekita ni manga kapagebuk de ide ay násalakat ide a paagow de langot a nappa de kunom.

Pagpakita 12:13

Nano ay un Daragon pan ay nun kinatinggesan na a winitik eya de putok i ay sinoysoyin na un mahuna a nanganak ni lalaki.

Pagpakita 12:2

Ta i mahuna a inon ay mandeli di a nánganak kanya eya ay geolang ni apdis a masakut de panganak na.

Pagpakita 19:15

De nguso na ay te getanga a utak a matalas ta i utak a oyo i gegemit na tangani matalo na i pesan a lugel ta eya ay gehari a mahigpit pati dehil de gengsa ni Makedepat a Makapangyedihan de pesan ay podusahan na i manga an gepanulusun.