Mateo 3:3 - I bowon a pagpakikasungdu

³ I Huwen un sinabi nun magsasabi a Isais nun sinabi na a magioyo, “Nádetong i geolang de lugel a ilang. Gesabi eya a, ‘Handein yu i bektas para de Panginoon ta tanusin yu i sesilan na.’” Inon i sinolat ni Isais.

Mateo 3:3 ပူးပေါင်းရင်းမြစ်များ

Markos 1:3

Sinabi pa ni Makedepat, “Nádetong i geolang de lugel a ilang ta gesabi eya a, ‘Handein yu i bektas para de Panginoon ta tanusin yu i sesilan na.’”

Lukas 1:17

Ta i Huwen ay naona a mag-aatid ni Panginoon a te kapangyedihan ni Ispiritu nun Makedepat a magi Elias a magsasabi a den. Ta pepapagkasungdu na i ama pati anak ta pepakapiya na i esip ni an getalinga tangani nappa ni naketingges ide a geabut de Makedepat. Ta de maginon ay hahande na i kaagtaan a nappa ni mangának ni Panginoon de innawa de.”

Lukas 1:76

Dingan sinabi ni Sakarias tungkul de anak na a magioyo, “Ikaw a anak ko ay ngangalanan ka a magsasabi ni Makedepat a Kaditasan ta naona ka de Panginoon tangani gehande ka ni dedetongan na.

Huwen 1:23

Tinumubeg i Huwen, “Ako i geolang de lugel a ilang. ‘Tanusin yu i sesilan ni Panginoon.’ Ta inon i paghola ni Isais a magsasabi a den.” Inon i tinubeg ni Huwen dide.