Mateo 10:22 - I bowon a pagpakikasungdu

²² Pati kagengsaan kamo ni pesan dehil de pagpanulusun yu deko misan ay i getiyage de pagpanulusun na hanggen de kalog ay nalligtas ngani.

Mateo 10:22 ပူးပေါင်းရင်းမြစ်များ

Mateo 10:39

Talage ngani a nakanugun i edup ni misan ino a agta be getalinga eya de kabuotan na a sadili misan ay nalligtas pan eya a geboy ni edup na para deko.

Mateo 24:13

Misan i getiyage de pagpanulusun na de kahedepan hanggen de kalog ay nalligtas ngani.

Mateo 24:9

“Ta de inon a panahon ay kagengsaan kamo ni tage pesan a bensa dehil de pagpanulusun yu deko ta dedekop kamo a pehedepan a bobuno a tuloy.

Mateo 5:11

“Piyon i kapuoyen yu be ikamo ay pelibek, pepahedepan o pesabian ni mammalotin a kabutelan dehil de pagpanulusun yu deko.

Markos 13:13

Pati kagengsaan kamo ni pesan dehil de pagpanulusun yu deko misan ay i getiyage de pagpanulusun na hanggen de kalog ay nalligtas ngani.

Lukas 21:17

Kagengsaan kamo ni pesan dehil de pagpanulusun yu deko.

Lukas 21:19

Ta i getiyage de pagpanulusun na deko hanggen de kalog ay nalligtas ngani.

Lukas 6:22

“Piyon i kapuoyen yu be ikamo ay pagkagengsaan, pepangalów, pelibek pati pesabian ni mammalotin a kabutelan dehil de pagpanulusun yu deko a Pineta nun Makedepat a napa ni agta.

Lukas 8:15

Nano ay i piyon a putok a kinadegdegen ni binhi ay magi agta ide a gepatalikngoy de surut nun Makedepat. Ta inon ay tinanggep de de innawa de a naponulusonan a malenis. I oyo ide i gepinag-anak a matiyage.

Huwen 17:14

Tinodu ko dide i surut yu ta pagkagengsaan ide ni kaagtaan ide dio de putok i ta ide a binoy yu deko ay an ide nagkeedup a nappaayun de ugeli dio de putok i a magi ako.

Huwen 7:7

Ta ang kamo kagengsaan ni kaagtaan dio de putok i, misan ako ay kagengsaan ok de ta pepamatoden ko a malot i pagyedi de.

Yedi 9:16

Ta pepatingges ko diya i pesan a tetiis na a kahedepan dehil de pagpanulusun na deko.”

Roma 2:7

Bebiyen na ni edup a an te kalog i agta a matiyage a geyedi ni kapiyonan a ide pan a gelawag ni kapangyedihan ni Kristo, bilos a geapo de Makedepat pati pagkaedup a liwet.

2 Korinto 4:11

Ta buot ko a sasabi a ikami ngani ay ugnay a nagkalane de kalebunan dehil de Hisus tangani de padean ni lawes mi a te kalebunan ay mapakita i edup ni Hisus a gepatibong dikami.

Galasia 6:9

Kanya ngani wet kitam magkapagel de pagyedi a piyon ta nádetong ngani i panahon a tatanggep tam i kapiyonan be an nappa ni mahena i innawa tam.

Hebreo 3:14

Ta be te pagpanulusun kitam a matibong a magun tagibu hanggen de kalog ay te binsa kitam de kapiyonan ni Kristo pagdetong na.

Hebreo 6:11

Kanya buot ko a masakut a masépag i belang isin dikamo hanggen de inapóan de pagyedi a inon ta dingan nappadikamo ngani i peasahan yu.

Santiago 1:12

Piyon i kapuoyen ni agta a getiyage de pagpanulusun na misan eya ay pesubukan ta de pagkadeog na de pagsubuk diya ay tatanggep na ngani i edup a an te kalog a pinangako ni Makedepat de pesan a gebuot diya.

1 Huwen 3:13

Kanya, manga kabinsa, wet kamo getaka be kagengsaan kamo ni kaagtaan dio de putok i.

Pagpakita 2:10

Wet kamo nagkatakut de pagpahedep ni agta a nádetong dikamo. Ta de an naaloy ay pepabilanggo ni Satanas i tipide dikamo tangani sosubukan na ikamo ta getiis kamo ni sangpuwu a adow kanya depat a nappa ni matibong i pagpanulusun yu hanggen de kalebunan yu ta dingan boboy ko dikamo i soklong a tande a nanalo kamo di a te edup a bowon.

Pagpakita 2:17

“I misan ino a gepatalikngoy ay depat tumalinga de pesabi ni Ispiritu de manga kapolongan. “Ta i misan ino a nanalo de malot ay bebiyen ko ni nattagu a pápangan a i mána a geapo de langot pati belang isin ay bebiyen ko ni malapsay a beto a nassolatan ni isin a bowon a ngalan na ta an ketinggesan ni misan ino ti an i nátanggep la.

Pagpakita 2:26

“Nano ay i misan ino a nanalo de mammalotin a geyedi pala ni kabuotan ko hanggen de kalog ni panahon ay boboy ko dide i kapangyedihan ko a kapadepade de tinanggep ko de Ama ko ta de nádetong a panahon ay bebiyen ko ide ni kapangyedihan a gehari a mahigpit de manga bensa ide ta i am pan getalinga dide ay nappakálat a magi nabisag a benga a putok.

Pagpakita 2:3

Talage a katinggesan ko a getiyage kamo de makmuk a kahedepan dehil deko a ang kamo pala nagkapagel.

Pagpakita 2:7

“Kanya i misan ino a gepatalikngoy ay depat a tumalinga de pesabi ni Ispiritu de manga kapolongan. “Ta i misan ino a nanalo de malot dehil de pagpanulusun na deko ay oungut ko eya nun anak nun kew a geboy ni edup a an te kalog a naddelangot de masampat a kataanan ni Makedepat.

Pagpakita 3:21

“Talage a nanalo ok de mammalotin duman de padipa ta biniyen ok ni Ama ko ni kapangyedihan a gelipa de alane na. Maginon pala i pesan a agta a nanalo de mammalotin ay bebiyen ko ide ni kapangyedihan a gelipa de alane ko.