Markos 1:42 - I bowon a pagpakikasungdu

⁴² Dingan tambing ngani a naeyen i ketong de lawes na ta pinumiyon di.

Markos 1:42 ပူးပေါင်းရင်းမြစ်များ

Mateo 15:28

Kanya sinabi diya ni Hisus, “Kabinsa a mahuna, talage a hanga i pagpanulusun mo kanya nappaayun de buot mo ay nangyeyedi i peaged mo.” Ta nun nanon pala a odes ay pinumiyon un anak na.

Markos 1:31

Nano ay linanean ni Hisus un pelagnat ta binolan na de kumot na a pinagiyos na. Nun nanon pala ay naeyen dingani i lagnat ni mahuna ta eya ay nag-akod dide ni pápangan.

Markos 1:41

Ta nakalbi pan i Hisus diya kanya inonat ngani ni Hisus i kumot na ta tinapá na a sinabi na, “Buot ko a talage. Pumiyon ka di.”

Markos 1:43

Ta dingan ngona pinatotul eya ni Hisus ay tinutugun na a mahigpit a, “Wet mo sasabia misan dino i sinumapit dikaw misan ay kumang ka a palawag mo i lawes mo de isin nunde maghahandug ide nun Makedepat. Ta pagkakita na dikaway maghandug ka a nappaayun de pagdodul ide ni Moises ta inon ay gepamatad de kaagtaan a pinapiyon ka di.”

Markos 5:29

Dingan tambing a tinumimok i pagsagu na ta binatyag na a piyon dingani.

Huwen 15:3

Ikamo ay malenis de innawa yu dehil de surut a sinabi ko dikamo.