Lukas 9:45 - I bowon a pagpakikasungdu

⁴⁵ Misan ay an de kinatinggesan i buot na a sasabi ta i oyo ay tinagu dide tangani an de matinggesan. Ta nagkatakut pan ide a getanto diya de sinabi na a inon.

Lukas 9:45 ပူးပေါင်းရင်းမြစ်များ

Mateo 16:22

Dingan inakit eya ni Pedro de alayu a untik ta sinabi na diya a magioyo, “Panginoon, wet tebe non mangyedi kapide man dikamo.”

Mateo 17:22

Nano ay nun pagsila de duman de sákup ni Galilea ay sinabi ni Hisus dide, “I ako a Pineta nun Makedepat a napa ni agta ay padekop nunde manga agta,

Markos 9:10

Kanya an de ngani sinabi misan dino i sinumapit a inon. Misan ay natulutantoan ide a ti ano i buot na a sasabi de liwet na a pagkaedup.

Markos 9:32

Misan ay an de kinatinggesan i buot na a sasabi ta nagkatakut pan ide a getanto diya.

Lukas 18:34

Misan ay an katinggesan ni mag-aadel na ide inon a sinabi na ta nattagu pan dide i kabuluhan ninon.

Lukas 2:50

Misan ay i sinabi a inon ni Hisus ay an kinatinggesan ni kamoddenan na ide.

Lukas 9:46

Nano ay natulutantoan i mag-aadel na ide a ti ino i nappa ni maditas pa dide.

Huwen 12:16

Nano ay nun inon a panahon ay an kinatinggesan ni mag-aadel na ide a hinola inon a nangyedi misan ay nun pinakaedup di a liwet i Hisus ay dingan de naisepan a inon a hinola de kasulatan a tungkul diya ta maginon ngani i nangyedi.

Huwen 12:34

Tinumubeg diya un agta ide, “Te duman pan de kasulatan a i Kristo a Pinangako nun Makedepat ay an nelibun magpakapide pa man kanya bekot ta pesabi mo a i Pineta nun Makedepat a napa ni agta ay depat a nappaditas de padipa. Inóman i Pineta nun Makedepat a napa ni agta?”

Huwen 14:5

Sinabi diya ni Tomas, “Panginoon, am mi katinggesan ti deno i paagowen yu kanya papalano pan a ketinggesan mi i bektas?”

Huwen 4:33

Kanya natulutantoan ide a te nangadde man diya ni pápangan.