Lukas 22:39 - I bowon a pagpakikasungdu

³⁹ Pagkatapos ninon ay tinumotul eya a paagow de Kalasan a Olibo a gepanalangin a magi ugeli na ta sinumut diya i mag-aadel na ide.

Lukas 22:39 ပူးပေါင်းရင်းမြစ်များ

Mateo 21:1

Nano ay palane ide Hisus de Herusalem ay dinumatong ide de karipakip ni Kalasan a Olibo a alane ni benwaan a Betpag. Dingan pinapaona ni Hisus i aduwa a mag-aadel na

Mateo 26:30

Ta pagkakanta de ni isin a pagpodi ay kinumang ide de Kalasan a Olibo.

Markos 11:11

Nano ay sinumilong i Hisus de Herusalem pati de beloy a pighandogen de Makedepat. Pagkatapos a pinagelawag na i pesan duman ay binumulwag ta inumampulang de Betania a kakoloy na un sangpuwu pati aduwa ta abi di nun nanon.

Markos 11:19

Ta be abi ay binumulwag pan ide Hisus de benwaan.

Markos 13:3

Nun gelipa i Hisus de Kalasan a Olibo de tipong ni beloy a pighandogen de Makedepat ay tinanto eya ni Pedro, Santiago, Huwen pati Andres de an te geikna a kakmukan.

Markos 14:26

Ta pagkakanta de ni isin a pagpodi ay kinumang ide de Kalasan a Olibo.

Lukas 21:37

Nano ay adow adow ay nagtodu i Hisus de beloy a pighandogen de Makedepat misan ay de belang abi ay getotul ide a paagow de Kalasan a Olibo ta duman ide gepilong.