Lukas 18:34 - I bowon a pagpakikasungdu

³⁴ Misan ay an katinggesan ni mag-aadel na ide inon a sinabi na ta nattagu pan dide i kabuluhan ninon.

Lukas 18:34 ပူးပေါင်းရင်းမြစ်များ

Markos 9:32

Misan ay an de kinatinggesan i buot na a sasabi ta nagkatakut pan ide a getanto diya.

Lukas 18:33

Ta ako ay paapdisan de a bobuno a tuloy misan ay de katiluwon a adow ay pakeedup ok a liwet.” Inon i sinabi ni Hisus.

Lukas 2:50

Misan ay i sinabi a inon ni Hisus ay an kinatinggesan ni kamoddenan na ide.

Lukas 24:25

Dingan sinabi ni Hisus dide, “Ikamo mangani ay manga agta a an te katinggesan ta mahena i pagpanulusun yu de pesan a surut nun magsasabi ide a den.

Lukas 24:45

Ta dingan kinayesan na i esip de tangani matinggesan de i kasulatan ide nun Makedepat.

Lukas 9:45

Misan ay an de kinatinggesan i buot na a sasabi ta i oyo ay tinagu dide tangani an de matinggesan. Ta nagkatakut pan ide a getanto diya de sinabi na a inon.

Huwen 10:6

Sinabi dide ni Hisus i talinghage a inon misan ay an de kinatinggesan i buot na a sasabi.

Huwen 12:16

Nano ay nun inon a panahon ay an kinatinggesan ni mag-aadel na ide a hinola inon a nangyedi misan ay nun pinakaedup di a liwet i Hisus ay dingan de naisepan a inon a hinola de kasulatan a tungkul diya ta maginon ngani i nangyedi.