Lukas 10:27 - I bowon a pagpakikasungdu

²⁷ Dingan tinumbeg eya a magioyo, “Ay depat a buotin yu i Panginoon a Makedepat a pepodian yu ni pesan a innawa, edup, esip pati tibong yu. Depat pala a buotin yu i kapadepade yu a agta ni magi pagbuot de sadile yu.”

Lukas 10:27 ပူးပေါင်းရင်းမြစ်များ

Mateo 19:19

gelangin mo i kamoddenan mo ide pati buotin mo i kapadepade mo a agta a magi pagbuot mo de sadile mo.’”

Lukas 10:26

Misan ay tinanto pala eya ni Hisus, “Ano man i nagkabbesa mo de pagdodul ide ni Moises?”

Roma 13:9

Ta be pebuot yu i kapadepade yu a agta a magi pagbuot yu de sadile yu ay an yu sesede i misan ano a pagdodul a magioyo a, “Wet kamo makialam de bebi ni kakmukan, wet kamo nomuno, wet nannanakow pati wet kamo nagkesinna.”

Galasia 5:13

Manga kabinsa, ikamo ay pineta tangani maukasan kamo de pagkaalepin yu de pagdodul ide. Misan ang kamo inukasan tangani nadeog kamo ni malot a buot ni lawes yu ta yadi pa a matulutabengan kamo a te kakoloy a pagbuot.

Hebreo 8:10

Ta sinabi pa ni Panginoon, “Nano ay magioyo ay nekipagkasungdu ok a liwet de manga Hudyo ide a mangápo ni Israel de nádetong a adow ta tatanom pati sosolat ko i pagdodul ko ide de esip de ta dingan ako la i Makedepat de a gealáge dide ta ide pan ay mangának ko a getalinga deko.

Santiago 2:8

Piyon i pagyedi yu be getalinga kamo de pagdodul a binoy ni Panginoon a nassolat a, “Buotin mo i kapadepade mo a agta a magi pagbuot mo de sadile mo.”

1 Huwen 3:18

Kanya, mangának, wet kitam gebuot de padean ni surut la ta de pagyedi tam a geapo de innawa tam.