Huwen 6:11 - I bowon a pagpakikasungdu

¹¹ Ta inamit ni Hisus un tinapay a nagpasalamat de Makedepat dingan pinabuluboy na dide a kalipalipa. Maginon pala i yinadi na nunde aduwa a ikan ta ide a pesan ay biniyen hanggen buot de.

Huwen 6:11 ပူးပေါင်းရင်းမြစ်များ

Mateo 15:36

Ta inamit na i pito a tinapay pati ikan ide ta pagkapagpasalamat na de Makedepat ay pinisangpisang na inon ide. Ta binoy na de mag-aadel na ide tangani buluboy de de manga agta ide.

Lukas 24:30

Nano ay nun ide ay napasagkad di de pamangan ay nangamit i Hisus ni tinapay a nagpasalamat de Makedepat dingan pinisangpisang na a tuloy ta binuluboy na dide.

Huwen 21:10

Ta sinabi ni Hisus dide, “Mangadde kamo dio ni tipide a ikan a námit yu.”

Huwen 21:13

Dingan linumane i Hisus ta inamit na un tinapay ta binoy na dide. Maginon pala un ikan.

Huwen 21:9

Paglusong de nunde langges ay kinta de i alabe a te nassube a ikan pati tipide a tinapay.

Huwen 6:9

“Te duman a i isin a anak a lalaki a te adde ni lima a tinapay pati aduwa a ikan misan ay panganó tam yo de magioyo a kamakmuk ni agta.”

Yedi 27:35

Ta pagkasabi na ninon ay nangamit eya ni tinapay a nagpasalamat de pasulusagkaden de de Makedepat ta pinisang na un tinapay ta ginumapo eya a namangan.

Roma 14:6

Ta i gegelang de isin a adow ay gegelang dehil de Panginoon pati i gepangan ni misan ano ay gegelang dehil de Panginoon ta gepasalamat eya de Makedepat pati pan i an gepangan ni pesan ay gegelang dehil de Panginoon ta gepasalamat pala eya de Makedepat.

1 Korinto 10:31

Be maginon i esip ni misan ino ay sasabi ko la a nagkaddepat a geyedi kitam ni pesan, pamangan man, pag-inom o misan ano tangani popodi i Makedepat.

1 Tesalonika 5:18

Magpasalamat kamo de pesan a gepangyedi ta inon i kabuotan ni Makedepat para dikamo dehil de pagpakikaisin yu de Hisu Kristo.