Huwen 21:9 - I bowon a pagpakikasungdu

⁹ Paglusong de nunde langges ay kinta de i alabe a te nassube a ikan pati tipide a tinapay.

Huwen 21:9 ပူးပေါင်းရင်းမြစ်များ

Mateo 4:11

Ta dingan winalat eya ni Satanas ta dinumatong pan di i manga anghel ide a tinumabeng diya.

Markos 8:3

Talage a be pouli ko ide a nagketigengin ay makati malinog ide de bektas ta alayu pam pa i beloy ni kakmukan dide.”

Huwen 18:18

Nano ay magidnaw nun nanon kanya naggetong ni usang i manga katabeng ide pati bentay ide ta kauluuddi ide de palebut na tangani nanangdeng ta i Pedro pala ay nakiuddi a nanangdeng.

Huwen 21:10

Ta sinabi ni Hisus dide, “Mangadde kamo dio ni tipide a ikan a námit yu.”

Huwen 21:13

Dingan linumane i Hisus ta inamit na un tinapay ta binoy na dide. Maginon pala un ikan.

Huwen 21:8

Misan ay un mangayun na pan ide a mag-aadel ay nakadetong pala a napasakoy nunde bengka ta nauwey de un pokut de a pino ni ikan. Ta an ide alayu a masakut de langges ta manga isin la a dian a metro.

Huwen 6:11

Ta inamit ni Hisus un tinapay a nagpasalamat de Makedepat dingan pinabuluboy na dide a kalipalipa. Maginon pala i yinadi na nunde aduwa a ikan ta ide a pesan ay biniyen hanggen buot de.

Huwen 6:9

“Te duman a i isin a anak a lalaki a te adde ni lima a tinapay pati aduwa a ikan misan ay panganó tam yo de magioyo a kamakmuk ni agta.”