Huwen 10:11 - I bowon a pagpakikasungdu

¹¹ “Ako i piyon a mag-aalage ni topa ide ta gepakalibun ok a kosa a innawa para de topa ko ide tangani nalligtas ide.

Huwen 10:11 ပူးပေါင်းရင်းမြစ်များ

Mateo 20:28

Piyon pa a tumolad kamo deko a Pineta nun Makedepat a napa ni agta ta anok dinumio tangani tabengan ta dinumio ok a getabeng de pesan, a boboy ko a tuloy i edup ko a pantobus de kamakmokan.”

Huwen 10:2

Misan pan i mag-aalage a matud ni topa ide i gesila de pintohan.

Huwen 15:13

Ta pepakita ni agta i pagbuot na a hanga be gepakalibun eya para de mangáyun na ta an te kapadepade de maginon a pagbuot.

Epeso 5:2

Ta maedup kamo a te pagbuot a masakut a magi pagbuot ni Kristo dikitam nun binoy na i sadile na para dikitam ta i hinandug na a edup ay kinasalegen ni Makedepat.

Teto 2:14

Binoy na i sadile na para dikitam tangani ikitam ay matobus de pesan a mammalotin, a mabukud de sadile na la a te malenis a innawa i pesan a mangának na, a masépag pala a geyedi ni kapiyonan.

Hebreo 13:20

Nano i Makedepat a peapoan ni kasampatan a innawa a eya a nagpakaedup a liwet de Panginoon tam a Hisus ay boyin na tebe dikamo i tibong tangani makayedi kamo ni nappaayun de kabuotan na. Ta eya pan i makapangyedihan a mag-aalage ni topa ide dehil de sagu na a katibeyen ni an te kalog a pagpakikasungdu ni Makedepat de manga agta ta de padean ni Hisu Kristo ay nayeyedi tam tebe i pagkasalegen na. Mapa de Kristo tebe i pagpodi magpakapide pa man. Iwina i matud.

1 Pedro 5:4

Ta pagdetong ni Panginoon a pinakamaditas a mag-aalage ay boboy na dikamo i kapangyedihan a gepakaingap a an te kalog.

1 Huwen 3:16

I Hisus ngani i halimbewa dikitam tungkul de pagbuot ta binoy na i edup na para dikitam kanya nagkaddepat pala a boyin tam i edup tam para de manga kabinsa tam.

Pagpakita 7:17

Ta i mag-aalage dide ay i Anak a Topa a naddegitna ni piglipaan. Pati ide ay eikag na de bukal a orat a geboy ni edup a an te kalog pati pakeeyenan ide ni Makedepat ni lungkut.”