Epeso 3:15 - I bowon a pagpakikasungdu

¹⁵ ta gepo diya i belang naeisin a innawa a mittanak de langot man o de putok i.

Epeso 3:15 ပူးပေါင်းရင်းမြစ်များ

Yedi 11:26

Ta nun kinta na di i Saulo ay inumampulang ide de Antiokia. Ta duman ay tinumaan ide ni isin a taon a kulukakoloy ni gepanulusun ide a kapolongan ta nagtodu a ugnay de kamakmokan a agta. Ta duman de Antiokia ay tagibu a te ngalan i mag-aadel ide a “Kristiano”.

Epeso 1:10

Ta i belak na pagdetong ni panahon a pineta na ay pepapagkaisin na de Kristo i pesan a yinadi de langot man o de putok.

Epeso 1:21

Kanya pan nano pati magpakapide man ay te kapangyedihan di a masakut i Hisus de pesan misan de manga pinakaponu, de te manga kapangyedihan, de pinakamaditas ide a magi gehari pati de pesan a gepamahala pati namas pa i Hisus ay te kapangyedihan de pesan a ngalan.

Epeso 3:14

Talage a dehil de inon a pinatingges deko ay noluhud ok de Ama ni Panginoon tam a Hisu Kristo,

Epeso 3:16

Pati geaged ok a patibongin na tebe i edup yu a bowon a nappaayun de an te kapadepade a gepakaingap na de padean ni kapangyedihan ni Ispiritu.

Kolosas 1:20

Ta dehil de Anak na ay nag-ayun i Ama pati pesan a te edup de putok pati de langot. Talage a dehil de sagu ni Anak na a binumusbus de padipa ay nappatud di a nekipagkasungdu diya i pesan a agta a makikkakasalanan.

Pagpakita 2:17

“I misan ino a gepatalikngoy ay depat tumalinga de pesabi ni Ispiritu de manga kapolongan. “Ta i misan ino a nanalo de malot ay bebiyen ko ni nattagu a pápangan a i mána a geapo de langot pati belang isin ay bebiyen ko ni malapsay a beto a nassolatan ni isin a bowon a ngalan na ta an ketinggesan ni misan ino ti an i nátanggep la.

Pagpakita 3:12

“Ta i nanalo de mammalotin a gepanulusun pa deko ay yeyedi ko eya a pegelang de kataanan ni Ama ko a Makedepat a magi arigi de beloy. Ta kapide man ay an di eya nototul duman. Ta sosolat ko diya i ngalan ni Ama ko pati ngalan ni benwaan ni Ama ko a i bowon a Herusalem a nolusong gepo de langot a kataanan ni Ama ko ta sosolat ko pala diya i bowon ko a ngalan.