2 Timoteo 2:11 - I bowon a pagpakikasungdu

¹¹ Wiyo i pigsabiin a matud a masakut a, “Be ikitam ay nalibun a ayun ni Hisu Kristo ay pakeedup kitam pala a ayun na.

2 Timoteo 2:11 ပူးပေါင်းရင်းမြစ်များ

Huwen 14:19

Untik dila a panahon ay anok di kekita ni an gepanulusun ide dio de putok i. Misan ay kekita ok yu ta dehil de ako ay te edup a an te kalog ay ikamo pala ay te edup a an te kalog.

Roma 6:5

Ta be gepakikaisin kitam di de pagkalibun ni Kristo ay talage a matud a gepakikaisin kitam pala de pagkaedup na a liwet.

Roma 6:8

Pati pan dehil de ikitam ay nalibun a ayun ni Kristo ay geasa kitam a needup kitam a liwet a ayun ni Kristo.

2 Korinto 13:4

Ta misan eya ay napa ni mahena nun eya ay pinaku de padipa ay nagkeedup eya nano dehil de kapangyedihan ni Makedepat. Ako a gepakikaisin diya ay mahena pala misan ay nagkeedup ok nano dehil de kapangyedihan ni Makedepat tangani getabeng ok dikamo.

2 Korinto 4:10

Talage a nappahande a ugnay i lawes mi a nelibun a magi pagpahedep a tiniis ni Hisus tangani de padean ni lawes mi pala ay mapakita mi i edup na a gepatibong dikami.

1 Tesalonika 4:17

Ta dingan ikitam a nàedupin pa ay nádeditas de kunom a kakoloy ni pinakaedup di ide tangani nappatagbu kitam a gepanulusun de Panginoon de longaw na. Ta de maginon ay nappadiya kitam magpakapide pa man.

1 Tesalonika 5:10

a nalibun para dikitam tangani maedup kitam a kakoloy na misan malibun o nàedup kitam pagdetong na.

1 Timoteo 1:15

Wiyo i isin a kamatoden a depat a tanggepin pati panulusonan ni pesan a agta a, “I Hisu Kristo ay dinumio de putok i tangani maligtas na i pesan a makikkakasalanan.” Talage a ako i pinakamalot de pesan a makikkakasalanan.

1 Timoteo 3:1

Wiyo i pigsabiin a kamatoden a, “I te buot a nappa ni pinakamatande ay migbuot de piyon a tungkolin.”

Teto 3:8

Iwina ide a sinabi ko ay surut a matud a masakut. Kanya buot ko a masakut a magtodu ka a mapelit de manga gepanulusun ide de Makedepat tangani nappa ni masépag ide de pagyedi a piyon. Ta i oyo ide a pagyedi ay te kabuluhan pati pekinabéngan ni agta ide.