2 Tesalonika 1:12 - I bowon a pagpakikasungdu

¹² Be maginon ay pegelang yu i ngalan ni Panginoon tam a Hisus ta pegelang na pala ikamo a nappaayun de kosa a tabeng ni Makedepat tam pati Panginoon a Hisu Kristo.

2 Tesalonika 1:12 ပူးပေါင်းရင်းမြစ်များ

Huwen 17:10

Ta i pesan a deko ay dikamo ta i pesan a dikamo ay deko ta dehil de gepanulusun deko ay pepakita de i kapangyedihan ko.

Roma 1:7

Kanya nano ay gesolat ok dikamo dena de Roma a pebuot ni Makedepat a ikamo a pineta na. Mapadikamo tebe a pesan i kosa a tabeng pati kasampatan a innawa a geapo de Ama tam a Makedepat pati de Panginoon a Hisu Kristo.

1 Korinto 1:4

Talage a ugnay ok a gepasalamat de Makedepat dehil de kosa a tabeng a binoy na dikamo gepo de pagpakikaisin yu de Hisu Kristo.

2 Korinto 13:4

Ta misan eya ay napa ni mahena nun eya ay pinaku de padipa ay nagkeedup eya nano dehil de kapangyedihan ni Makedepat. Ako a gepakikaisin diya ay mahena pala misan ay nagkeedup ok nano dehil de kapangyedihan ni Makedepat tangani getabeng ok dikamo.

2 Korinto 8:9

Ta esipin yu i kahanga ni kosa a tabeng ni Panginoon tam a Hisu Kristo ta misan eya ay mayaman de langot ay napa ni mahedep eya tangani de kahedepan na a inon ay mapa ni mayaman kamo.

Pilepos 3:9

a gepakikaisin ok diya. Ta ang ko buot a nappa ni malenis ok de pekita ni Makedepat dehil de pag-abut ko de pagdodul ide ta dehil la de pagpanulusun ko de Kristo. Ta i malenis a innawa de pekita ni Makedepat ay de padean la ni pagpanulusun.

2 Tesalonika 1:10

De adow a pagdetong na ay tatanggep na pala i pagpodi pati paggelang ni pesan a pineta a gepanulusun diya. Ta tinanggep yu pala di i piyon a bereta a tinodu mi dikamo.

Teto 2:11

Ta pinakita di ni Makedepat i kosa a tabeng na tangani nalligtas i pesan a agta.

1 Pedro 4:14

Gekaduman kamo ni kapiyonan be ikamo ay pelibek dehil de Kristo ta i Makapangyedihan a Ispiritu nun Makedepat ay napadikamo ngani.

Pagpakita 1:4

Ako a Huwen ay gesolat ok de pito a kapolongan de porobinsia ni Asia. Mapadikamo tebe i kosa a tabeng pati kasampatan a innawa a geapo de Makedepat a eya i Makedepat gepo nun magpakapide man, nano, pati kapide man. I kosa a tabeng ay geapo pala de Ispiritu nun Makedepat a te pito a tungkolin a naddekasagkaden ni piglipaan ni Makedepat.