1 Timoteo 1:1 - I bowon a pagpakikasungdu

¹ I oyo ay gepo deko a Pablo ta i tungkolin ko a mag-aatid ni Hisu Kristo ay nappaayun de kabuotan ni Makedepat a magliligtas tam pati Hisu Kristo a pag-asa tam.

1 Timoteo 1:1 ပူးပေါင်းရင်းမြစ်များ

Lukas 1:47

ta nagkasalig i kaleduwa ko dehil de Makedepat a magliligtas ko.

Lukas 2:11

Ta nano a odes ay pinanganak di de benwaan ni Debid i magliligtas yu a i Kristo a Panginoon.

Yedi 9:15

Misan ay sinabi diya ni Panginoon, “Kumang ka duman ta pineta ko eya a gepaabuya ni makapangyedihan ko a ngalan de an Hudyo ide, de manga hari pati de manga Hudyo pala ide.

Roma 1:1

Ako a i Pablo a katabeng ni Hisu Kristo ay gesolat dikamo a tage Roma. Pineta ok ni Makedepat a napa ni mag-aatid na ta binoy na deko i tungkolin a gesabi ni piyon a bereta a geapo diya.

1 Korinto 1:1

I oyo ay gepo deko a Pablo a mag-aatid ni Hisu Kristo ta inon a tungkolin ko ay nappaayun de kabuotan ni Makedepat ta gepo pala yo de kabinsa tam a Sostenes.

1 Korinto 9:17

Nano ay be gesabi ok a kosa a innawa ni piyon a bereta ay kasta depat a bebilosan ok ni Makedepat misan ay dehil de binoy deko ni Makedepat i tungkolin a oyo ay depat ngani a yeyedi ko a nappaayun de tungkolin ko.

2 Korinto 1:1

Ioyo ay gepo deko a Pablo a mag-aatid ni Hisu Kristo ta inon a tungkolin ko ay nappaayun de kabuotan ni Makedepat ta gepo pala de kabinsa tam a Timoteo. Gesolat ok dikamo a kapolongan ni Makedepat a tage Korinto pati de kakmukan dena de porobinsia ni Akaya a manga pineta ni Makedepat.

Galasia 1:1

I oyo a solat ay gepo deko a Pablo a mag-aatid pati de manga kabinsa a ayun ko, a paadde ko de kapolongan ide de porobinsia ni Galasia. An agta i nagpeta deko de tungkolin ko ta i nagpeta pan deko ay i Hisu Kristo pati Makedepat a Ama a nagpakaedup diya.

Galasia 1:11

Buot ko a matinggesan yu, manga kabinsa, a an inumapo de agta a unabis i piyon a bereta a pesabi ko dikamo.

Kolosas 1:27

Ta dikitam a pineta na ay pinatingges di ni Makedepat i an te kapadepade a kayamanan na para de an Hudyo ide. Ta nano ay an tinagu i surut na a i Kristo a gepakikaisin dikitam i pag-asa tam a nakoduman kitam de kataanan nun Makedepat a gepakaingap.

2 Tesalonika 2:16

Nano ay buot mi tebe a i Panginoon tam a Hisu Kristo pati Makedepat a Ama tam i geboy dikamo ni matibong a innawa tangani nakáyedi kamo pati nakapesabi ni pesan a piyon. Ta gepo de kosa a tabeng ni Makedepat a gebuot dikitam ay biniyen na ikitam ni piyon a pag-asa pati tibong ni innawa, magpakapide pa man.

1 Timoteo 1:12

Gepasalamat ok de Hisu Kristo a Panginoon tam, a nagboy deko ni tibong tangani makálat i piyon a bereta. Ta naponulusonan ok na a nanyeyedi ni pagtabeng ko diya nun pineta ok na.

1 Timoteo 2:3

I pagpanalangin a maginon ay piyon pati kasalegen ni Makedepat a magliligtas tam.

1 Timoteo 2:7

Nano ay pineta ok a napa ni magsasabi ni piyon a bereta, mag-aatid pati magtutodu ni kamatoden de manga an Hudyo tangani gepanulusun ide. Anok gebutil ta matud i pesabi ko.

1 Timoteo 4:10

Kanya dehil de inon ay gepelit kitam a gepagel ta geasa kitam di de Makedepat a needup a i magliligtas ni pesan, a namas di i gepanulusun ide.

Teto 1:3

Kanya nano, de pineta a panahon ay pinakita na di i pag-asa tam de surut na de padean ni pagsabi ni piyon a bereta a pinanulusonan deko a nappaayun de pagdodul ni Makedepat a magliligtas tam.

Teto 2:10

pati wet ide migpannakow ta depat a naponulusonan ide de pesan tangani de pesan ay mapakita de a piyon i pagtodu a geapo de Makedepat a magliligtas tam.

Teto 2:13

hanggen geilat kitam de piyon a peasahan tam a adow a gepakita i Makapangyedihan a Makedepat a Anak a i magliligtas tam a Hisu Kristo a naddegitna ni gepakaingap na.

Teto 3:4

Misan ay nun pinatingges pan dikitam ni Makedepat a magliligtas i kabeetan na a esip pati pagbuot

Teto 3:6

Ta pepakang a tuloy ni Makedepat i Ispiritu na dikitam de padean ni Hisu Kristo a magliligtas tam

1 Pedro 1:21

Ta dehil de Hisus ay te pag-asa kamo de Makedepat a nagpakaedup diya a liwet pati namoy ni gepakaingap kanya nano ay napa de Makedepat la i pagpanulusun yu pati pag-asa a pakeedup kamo a liwet.

1 Pedro 1:3

Nano ay magpodi kitam di de Makedepat a Ama ni Panginoon tam a Hisu Kristo ta dehil de hanga a pagkalbi na dikitam ay pinanganak kitam a bowon a nappaayun de pagkaedup a liwet ni Hisu Kristo ta i bowon a oyo a edup ay namoy dikitam ni pag-asa a matud.

2 Pedro 1:1

I oyo a solat ay gepo de Pedro a katabeng pati mag-aatid ni Hisu Kristo a páadde dikamo ta ikitam ay tinumanggep ni padepade a pagpanulusun dehil de kapiyonan ni Makedepat tam a Hisu Kristo a magliligtas.

1 Huwen 4:14

Ta kinta mi pati pepamatoden mi a dinodul ngan ni Ama i Anak na tangani mapa ni magliligtas ni pesan a agta.

Hodes 1:25

Nano ay de padean ni Hisu Kristo a Panginoon tam ay abuyenan tebe i isin la a Makedepat a magliligtas tam, a i te gepakaingap, paghari, pagsákup pati kapangyedihan gepo nun ti kapide, nano pati magpakapide pa man. Iwina i matud.