1 Pedro 2:7 - I bowon a pagpakikasungdu

⁷ Kanya para dikamo a manga gepanulusun ay pinakamahalage eya misan ay para de manga an gepanulusun ay, “I eya ay magi beto a hanga a kinapoyen ni magyeyedi ide ni beloy misan pan eya ay namas pa a pinakamahalage a beto de kakmukan a beto de beloy a pighandogen de Makedepat.”

1 Pedro 2:7 ပူးပေါင်းရင်းမြစ်များ

Mateo 21:42

Nano ay tinanto ide ni Hisus, “An yu pa man nagkabesa i pesabi ni Makedepat de kasulatan? ‘I beto a kinapoyin ngona ni magyeyedi ide ni beloy ay eya pan i namas pa a pinakamahalage a beto de iwina a yinadi a beloy. Inon i yinadi ni Panginoon a Makedepat kanya de pekita tam ay masampat a masakut.’”

Lukas 2:32

Pati eya i gepatallang de madumos a esip ni an Hudyo ide ta dehil pan diya ay gekaduman ni gepakaingap yu i Hudyo ide a tage bensa ni Israel.”

Lukas 2:34

Nun nanalangin i Simeon para dide ay sinabi na de Maria a ina ni Hisus, “Dehil de anak a oyo a Pineta nun Makedepat ay nalligtas ngani i kamakmokan a tage Israel a nonulusun diya. Misan pan ay podusahan i an nonulusun diya ta eya ay nappa ni tande a inumapo de Makedepat a kakapoyen pan ni makmuk a agta.

Lukas 20:17

Misan ay nun pinakalawag ide ni Hisus ay sinabi na, “An yu pa man nagkabesa i pesabi ni Makedepat de kasulatan, ‘I beto a kinapoyen ngona ni magyeyedi ide ni beloy ay eya pan i namas pa a pinakamahalage a beto de iwina a yinadi a beloy.’”

Huwen 4:42

kanya sinabi de de mahuna, “Gepanulusun kami nano a an dehil de sinabi mo ta dehil la de inikna mi a pagsurut na. Peabuyenan mi a eya ngani i magliligtas ni kaagtaan a pesan dio de putok i.” Inon i sinabi de.

Yedi 26:19

“Kanya, Hari a Agripa, anok kinumapoy de pangitaán a inon gepo de langot.

Roma 10:21

Pati sinabi pala ni Makedepat a tungkul de Hudyo ide a, “Misan pekalbian ko a tuloy i Hudyo ide ay gekapoy pam pala ide a an getalinga deko.”

Roma 15:31

tangani alagean ok ni Panginoon nunde an ide gepanulusun a tage Hudia, a tanggepin pala tebe ni manga pineta de Herusalem i tabeng a kuwarta a aadde ko para dide.

2 Korinto 2:16

Nano ay i kasango dikami ni an ide nalligtas ay magi kasango a nakelibun a mabungtut misan ay para de nalligtas ide ay mabengo a nakapomoy ni edup a an te kalog kanya an te misan ino a te sukul a kapangyedihan a sadili a geyedi ni oyo a tungkolin mi.

Kolosas 2:10

Ta dehil de pagpakikaisin yu de Hisus ay nagkaduman kamo di ni edup na ta te kapangyedihan eya de pesan a te kapangyedihan pati ponu.

Teto 3:3

Ta nun sakadow pan ay ikitam pala ay a an te katinggesan, an nagtalinga de kamatoden pati migkalagelag, ta alepin kitam de attanan a buot tam pati kasayahan a malot, a nagkeedup a te pagmalot ni innawa de kakmukan pati migkasinna. Ta pagkagengsaan kitam ni kakmukan. Maginon kitam pala dide.

Hebreo 4:11

Kanya depat a pelitin tam a magkaduman kitam ni kabeetan a esip na tangani wet pala nallagelag i misan ino dikitam a magi kaapoapohan yu ide a nalagelag ta an ide tinumalinga de Makedepat.

1 Pedro 1:8

Ta misan an yu pa eya kinta ay pebuot yu di, ta misan an yu pangani pekita ay gepanulusun kamo diya kanya gekaduman kamo ni kasalegen a an te kapadepade ta i misan ino ay an te nakapesabi ninon a kasalegen na.

1 Pedro 2:4

Kanya lumane kamo di de Panginoon a geboy ni edup a bowon ta eya ay magi beto a hanga a namas pa a pinakamahalage de kakmukan a beto de beloy. Pekapoyen eya ni manga agta ide misan ay pineta eya ni Makedepat a pinakamahalage de pekita na.

1 Pedro 2:8

Te duman pala de kasulatan a, “I beto a hanga ay kassingkugen ni manga agta ta naddegmak ide.” Ta buot a sasabi ni kasulatan a dehil de an ide nagtalinga de surut nun Makedepat ay nalagelag ide a magi pagpaengat dide ni Makedepat.