1 Korinto 9:4 - I bowon a pagpakikasungdu

⁴ Nano ay be gepagel kami a manga mag-aatid de pagpakálat ni piyon a bereta ay depat a gepangan kami pati geinom dehil de tabeng yu.

1 Korinto 9:4 ပူးပေါင်းရင်းမြစ်များ

Mateo 10:10

Wet kamo pala nángadde ni soput ni pápangan yu de pagtotul yu pati paragetus, sugkud o bedu a panlewes ta i magyeyedi ay depat a bebiyen ni keedup.

Lukas 10:7

Nano ay magpilong kamo de isin la a beloy hanggen ang kamo getotul ta wet kamo mangalis-alis de belang beloy. Pati i misan ano a akodin de dikamo ay mamangan kamo pati uminom ta i magtatarabeho ay te duman a nagkaddepat a suwildu.

Yedi 20:33

Talage a ang ko binuot ay i ginto, pelak pati bedu ni misan ino.

1 Korinto 9:3

Inon ngani i totubeg ko de belang agta a getulutanto ni tungkul de tungkolin ko.

Galasia 6:6

Nano ay i agta ide a petoduan ni surut nun Makedepat ay depat a binsaan de i magtutodu de ide ni keedup de.

1 Tesalonika 2:6

Ta ang kami gelawag ni pagpodi ni agta, ikamo man o i misan ino. Misan ay nappatud kami a geilat ninon ta ikami pan ay mag-aatid ni Kristo.

1 Tesalonika 2:9

Manga kabinsa, sigudu pan ay an yu nalipatan a ti papalano a nagyedi kami pati nagpagel adow pati abi tangani wet kamo maabela a geungut dikami nun nagsabi kami dikamo ni piyon a bereta nun Makedepat.