1 Korinto 7:29 - I bowon a pagpakikasungdu

²⁹ Buot ko a sasabi, manga kabinsa, a i panahon tam nano ay an di naaloy kanya hanggen nano ay yadi pa be i te manga bebi ay geuluesip la tungkul de Panginoon a wet namas pa de bebi de.

1 Korinto 7:29 ပူးပေါင်းရင်းမြစ်များ

Lukas 14:20

Sinabi pan nun isin, ‘Anok nakakang ta bowon ok a kinasal.’

1 Korinto 7:28

Talage a be ikamo ay gebebi ay ang kamo gekasala pati i maddikit be gebebi ay am pala gekasala, misan i gebebi ide de edup de dio ay te gulo pati kahedepan ta i oyo la i buot ko a maelagen yu.

1 Korinto 7:30

Pati be dehil de edup yu dio ay malungkut kamo o nagkasalig o te adi ni makmuk a kasangkapan o geuluesip kamo a masakut tungkul de pesan a bege dio ay wet kamo geuluesip a masakut tungkul de pesan a inon ide ta i pesan dio de putok i ay nappa ni an te kabuluhan.

1 Pedro 1:24

Ta magi pesabi ni kasulatan, “I manga agta a pesan ay magi demo ta an naaloy dio pati i kasamptan de ay magi bulaklak ni demo ta i demo ay nagkárango ta i bulaklak pan ay nagkalápay la

1 Pedro 4:7

Nano ay alane dingani i kalog ni panahon kanya depat kamo a nahhande de esip yu a wet gepadeog de malot a buot ni lawes yu tangani an nagkaabetan i pagpanalangin yu.

1 Huwen 2:17

Ta neeyen pan la i putok i pati pesan a malot a buot ni manga agta misan ay i misan ino a getalinga de kabuotan ni Makedepat ay te edup ngani a an te kalog.