1 Korinto 15:29 - I bowon a pagpakikasungdu

²⁹ Nano ay te duman a tipide a agta a te ugeli a gepalinod para nunde nalibunin di. Misan ano i pakinabeng de de inon a ugeli de be an pakeedup a liwet i nalibunin a magi pesabi ni tipide?

1 Korinto 15:29 ပူးပေါင်းရင်းမြစ်များ

Mateo 20:22

Misan ay tinubeg ide ni Hisus, “An yu ngani katinggesan i peaged yu na. Nakapetiis kamo man de kahedepan a tetiis ko?” “Ay-o, nakapetiis kami ngani.”

Mateo 3:6

Ta pagkapagpamatud de ni mammalotin de ay lininodlinod ide ni Huwen de Orat a Horden.

1 Korinto 15:16

Ta be an pakeedup a liwet i nalibunin ay angani pinakaedup a liwet i Kristo.

1 Korinto 15:28

Nano ay be nadeog di ni kapangyedihan ni Kristo i pesan ay eya pala i gepadeog de kapangyedihan ni Ama na a Makedepat a eya a nagpadeog ni pesan de Kristo nun tagibu ta dingan i Makedepat i te kapangyedihan de pesan.

1 Korinto 15:30

Talage, manga kabinsa, ay nagkasalig ok dehil dikamo a gepanulusun di dehil de pagtabeng ko de Hisu Kristo a Panginoon tam pati nahhande ok di, belang adow, a bobuno. Misan pan ano i pakinabeng ko de kahedepan, belang odes be matud a an pakeedup a liwet i nalibunin?

1 Korinto 15:32

Talage a matud a anok te pakinabeng a unabis de pagtiis ko a geapo de tage dio de benwaan a Epeso be an pakeedup a liwet i nalibunin kanya be matud a an pakeedup i nalibunin ay piyon pa a manulusun kitam de pigsabiin a, “Mamangan pati mag-inom kitam dila ta diage pan ay kati nelibun kitam di.”