1 Korinto 15:27 - I bowon a pagpakikasungdu

²⁷ Maginon ngani i pesabi ni kasulatan a, “I pesan dio de putok i ay pakádeog ni Makedepat de Kristo.” Misan katinggesan yu pan a an kadugeng i Makedepat de pesan a nadeog ni Kristo.

1 Korinto 15:27 ပူးပေါင်းရင်းမြစ်များ

Mateo 11:27

Dingan sinabi na de manga mag-aadel na ide, “Binoy di deko ni Ama ko i pesan. Ta an te gekaabuya deko a Anak ti an i Ama la ta am pala te gekaabuya de Ama ti an ako la a Anak pati pesan a pepeta ko a nakàabuya pala diya.

Mateo 28:18

Dingan linumane i Hisus dide ta sinabi na, “I pesan a kapangyedihan de langot man o de putok ay binoy di deko.

Huwen 3:35

Pebuot ni Ama i Anak na ta binoy diya ni Ama i kapangyedihan de pesan.

Epeso 1:20

nun pinakaedup na a liwet i Kristo a Anak na de kalibunan na pati nun pinalipa pala i Kristo de langot a te kapangyedihan de awenan ni Makedepat.

Epeso 1:22

Ta pinakadeog ni Makedepat de kapangyedihan ni Kristo i pesan. Pati i Kristo ay yinadi na a magi ulo ni kapolongan na

Hebreo 1:13

Talage ay an sinabi ni Makedepat de misan dino a anghel a magioyo ta de Kristo la, “Lumipa ka de awenan ko i, a te kapangyedihan ta padeog ko dikaw i kapagebuk mo ide.” Inon i sinabi ni Makedepat de Anak na.

Hebreo 10:12

Misan ay i Kristo pan ay dehil de mammalotin ni agta ide ay hinandug na i sadile na a pakosa la ta inon ay sukul, magpakapide man. Dingan pagkahandug na ay linumipa eya de awenan ni Makedepat.

Hebreo 2:8

ta pinakadeog yu de kapangyedihan ni kaagtaan i pesan dio.” Inon a paghola ay pesabi a pinakadéog ni Makedepat i pesan i, de kapangyedihan ni kaagtaan ta talage a an te misan ano a an na pinakadéog de kaagtaan. Misan nano ay an tam pa pekita a nadeog di i pesan dio ni kaagtaan

1 Pedro 3:22

Ta pagkaedup na a liwet ay sinumalakat de langot a linumipa de awenan ni Makedepat ta eya ay hari duman de manga anghel ide pati de te manga kapangyedihan ide pati dide a malot a te tibong de langot.

Pagpakita 1:18

Ako i te edup gepo nun magpakapide man dingan nalibun ok misan ay pagelawagin ok mo ta nano ay nagkeedup ok magpakapide pa man ta ako la i te kapangyedihan di de pesan a nalibunin misan de bengkay de a naddeputok pati de kaleduwa de a naddekataanan de.