1 Huwen 2:20 - I bowon a pagpakikasungdu

²⁰ Misan ay binoy pan dikamo a manga gepanulusun ni Kristo i Ispiritu nun Makedepat kanya ikamo a pesan ay gepakaabuya ni kamatoden.

1 Huwen 2:20 ပူးပေါင်းရင်းမြစ်များ

Mateo 13:11

Tinumubeg eya dide, “Dikamo a gepanulusun deko ay pepatingges i madisalad a kamatoden a ti papalano a te kapangyedihan i Makedepat de innawa ni manga agta misan ay an non pepatingges de kakmukan.

Markos 1:24

Ta inumolang i te libong a malagdu a magioyo, “Hisus kamo a tage Nasarit, bekot ta peabela yu ikami? Dinumio kamo man a nansesede ni kapangyedihan mi a kalibongan? Talage a peabuyenan ko ikamo a An Te Mammalotin a Anak nun Makedepat.”

Lukas 4:18

ta binasa na a magioyo, “Nagkaduman ok di ni Ispiritu nun Makedepat ta napa deko i kapangyedihan a gesabi ni piyon a bereta de mahedepin ide a an te manga pag-asa a unabis. Pati dinodul ok na a gesabi a nappatud di a nappa ni malaya i pesan a alepin ni mammalotin de. Pepatallang ko pala i esip ni an ide te manga katinggesan pati eeyenan ko ni kahedepan i natalo ide de kalibongan.

Lukas 4:34

“Hisus kamo a tage Nasarit, bekot ta peabela yu ikami nano? Dinumio kamo man a nansesede ni kapangyedihan mi a kalibongan? Talage a peabuyenan mi ikamo a An Te Mammalotin a Anak nun Makedepat.”

Huwen 14:26

misan ay i magtatabeng a i Ispiritu nun Makedepat a dododul ni Ama de makapangyedihan a ngalan ko ay eya ngani i getodu dikamo ni pesan pati gepaesip eya ni pesan a sinabi ko dikamo.

Huwen 16:13

Pagdetong nun Ispiritu a getodu ni kamatoden ay tatabengan na ikamo tangani matinggesan yu i pesan a kamatoden. Ta an eya te sasabi a geapo de sadile na ta sasabi na la dikamo i inikna na de Ama a i pesan a nangyeyedi a nádetong.

Yedi 10:38

Ta dingan kasta pinalis ni Makedepat de Hisus a tage Nasarit i Ispiritu na pati kapangyedihan. Ta kinumulukang eya a geyedi ni piyon, a nagpapiyon pala de pepahedepan ide ni Satanas ta nappa diya ngani i Makedepat.

Yedi 3:14

Talage a kinapoyen yu i oyo a agta a an te mammalotin, a migyedi ni kapiyonan ta i pinakábutan yu pan para dikamo ay un migbuno.

1 Korinto 2:15

Talage a i agta pan a getalinga de kabuotan ni Ispiritu ay pagketinggesan na i pesan a bege misan pan ay an eya pagketinggesan ni misan ino a an gepanulusun.

Hebreo 1:9

Ta i kapiyonan ay pagkasalegen mo misan ay i malot pan ay pagkagengsaan mo kanya ako a i Makedepat a pegelang mo, nameta dikaw a te kasalegen a namas pa de manga kakoloy mo ide.”

Hebreo 8:11

Pati an di depat a totodu ni kakmukan de mangáyun de pati de manga kabinsa de i tungkul deko ta ide a pesan ay peabuyenan ok de di a masakut misan te kapangyedihan man o eyen.

1 Huwen 2:27

misan ay nappataan di dikamo i Ispiritu nun Makedepat a binoy dikamo ni Kristo kanya an di te kaelangan a petoduan kamo pa ni misan ino a agta ta getodu dikamo i Ispiritu ni pesan a i kamatoden ta an eya getodu ni kabutelan kanya nappaayun de tinodu na dikamo ay makepagkaisin kamo a tuloy.

1 Huwen 4:13

Katinggesan tam a gepakikaisin kitam diya ta gepakikaisin pala eya dikitam dehil de binoy na dikitam i Ispiritu na.

Hodes 1:5

Matud, a katinggesan yu di i pesan a tinodu ko dikamo misan ay buot ko pa a patinggesin dikamo a liwet a linigtas ni Makedepat i Hudyo ide nunde bensa a Ihipto misan ay pagkatapos ninon ay pinuksa na pan i an nagpanulusun diya.

Pagpakita 3:7

“Solatin mo pan di de mag-aalage ni kapolongan de benwaan a Piladelpia, “I oyo i pepasabi ko a ako a Pineta nun Makedepat a depat a naponulusonan ta ako i namas pa a te kapangyedihan de Debid a hari a den ta i inabetan ko ay an te misan ino a nakapambobukas ta i binukusan ko ay an te misan ino a nakapanaabet.

Pagpakita 4:8

Nano ay i oyo ide a apat a yinadi a needupin ay i belang isin dide ay te anim a ilad a pinoin ni mata de disapow pati de disalad pati an ide getimok de pagkanta de, adow pati abi a magioyo, “Podi, podi, podi de Panginoon a Makedepat a Makapangyedihan de pesan, a an te mammalotin a unabis ta eya i Makedepat gepo nun magpakapide man nano, pati kapide man.”