तितस 2:15 - डोटेली नयाँ करार

¹⁵ तबइकिलाइ तितस, म चाहानउ कि तुइले क्रेट टापुका बिश्वासिनलाइ मइले भण्या यिन कुरणी सिका। आफना मान्सनलाइ यिन कुरणी अददाइ उत्साह दे, जी आवश्यक छ त्यो सुधार अर। तुलाइ यो अद्द्या अधिकार छ। पक्का अर कि जो तु सिकाउछइ त्यो कसइले बेवास्ता जन अरुन।

डोटेलि

¹⁵ तुइले यिनु कुराको सिछ्‍या दिन्‍याबेला पुरा अधिकारसहित अर्ति-उपदेस दे रे हप्‍का। कसइले लइ तुलाइ हेला अद्‍द जनपाउ।

तितस 2:15 ပူးပေါင်းရင်းမြစ်များ

मत्ती 7:29

क्याकि येशूले तिननलाइ मोशाको कानुन सिकाउन्यावालाले जसेरि होइन, तर अधिकार भया मान्सकि जसेरि सिकाउन्थ्या।

मर्कुस 1:22

रे उनरो शिक्षा सुणिबर मान्स छक्‍क पड्या, क्याकि येशूले तिननलाइ मोशाको कानुन सिकाउन्यावालाले जसेरि होइन, तर येशू तिननसित एक शिक्षककि जसेरि अधिकारसित सिकाउन्थ्या।

मर्कुस 1:27

यहुदि सभाघरमी भया सब मान्सले भौत अचम्म माण्यो। रे तिन एक अर्खालाइ सोद्द लाग्या, “यो एक नयाँ प्रकारको ज्ञानकि कुरणी रइछ। क्याकि येशू उनसित एक इसो शिक्षककि जसेरी कुरणी अरन्थ्या जइसित अधिकार छ, रे याँ सम्मकि येशूले भूतलाइ आज्ञा दिनाहान रे भूतले उनरो आज्ञा माणनाहान।”

लूका 4:36

तब तिनन सब मान्सले भौत अचम्म माण्यो, रे एक-अर्खासित यिसो भण्यो, “यो ज्ञानकी कुरणी रइछ यिनले त अधिकारसित रे सक्तिसित भूतलाइ आज्ञा दिनाहान रे भूत निजानाहान।”

१ कोरिन्थी 16:11

तबइकिलाइ कसइले उइको अनादर जन अरउ। तर उइलाइ चाइन्या सहयोग दिबर सान्ति सित यात्रामि पठाइदिय। क्याकि बिश्वासि भाइनसित आउनाहान भणबर म उइको प्रतिक्षा अद्दाछु।

१ तिमोथी 5:20

जइ मण्डलिका अगुवाले पाप अरिराख्दाहान सब मण्डलिका मान्सका अगाडी तिननलाइ हप्का, ताकि बाकि मण्डलिका अगुवा डराउन।

२ तिमोथी 4:2

कि तुइले परमेश्वरका बचनको प्रचार अर, परिस्थिति असल रे खराब जी भया लगइ यइलाइ प्रचार अददाइ तयार बस। तुइले मान्सनले अर्या गल्ती धेकाउनु पणन्छ, रे तिनरा पापकिलाइ तिननलाइ हप्काउनु पणन्छ। तर तुइले धैर्यसित मान्सनलाइ सिकाउङया उत्साह लगइ दे।

तितस 1:13

क्रेट टापुका मान्सनका बारेमि यिन सब्द अइल लगइ सत्य छन, तबइकिलाइ तिननलाइ कडा सित हकार, ताकि तिननले येशू ख्रीष्टका बारेमि सत्य शिक्षामि बिश्वास अरुन।

१ पत्रुस 4:11

उदाहरणकि निउति, यदि तमनसित प्रचार अद्द्या बरदान छ भण्या, तमनले परमेश्वरको बचन प्रचार अददु पणन्छ। यदि तमनसित और मान्सनलाइ सहयोग अद्द्या बरदान छ भण्या, तइलाइ परमेश्वरले दिया ताकत बठेइ अर। तब येशू ख्रीष्टको सक्ति बठेइ तमनले परमेश्वरलाइ महिमा हुन्या हो। सबइ महिमा रे सक्ति सदासर्वदा उनरोइ हो! आमेन।