तितस 1:12 - डोटेली नयाँ करार

¹² क्रेट टापुका बासिन्दा एक जानो जो बुद्दिमान थ्यो, तइले भण्यो, “क्रेट टापुका मान्सन सदाइ झुटि बोल्लाहान। तिनन जंगली जनावरका जसोइ ब्यबहार अददाहान। तिनन अल्छी छन रे खद्दवा छन।”

डोटेलि

¹² क्रेटका एक जना अगमबक्‍ताले यसेरि भुन्‍या छन्, “क्रेटका मान्‍स सप्‍पइ झुटि बोल्‍या, दुस्‍ट पसु रे अल्‍छि रे काँहार छन्।”

तितस 1:12 ပူးပေါင်းရင်းမြစ်များ

प्रेरित 17:28

क्याकि “उन हामसित छन, ताकि हाम उनमी जिउनाउ, रे उनमी इथउथ अद्दाउ रे उनमी हामरो अस्तित्व छ।” ठीक तसेरि जसेरि तमरा आफनाइ कबिले लगइ भणिराइछ, “हाम पक्‍का उनराइ सन्तान हौ।”

प्रेरित 2:11

अथवा यहुदि रे गैर-यहुदि मान्सन जइले यहुदि धर्म माण्या थ्या, क्रेट टापुका बासिन्दा रे अरबि देशका मान्सन लगइ छौ, पइ हाम आफना-आफना भासामि परमेश्वरका अचम्मका कामको चर्चा सुण्ना छु।

प्रेरित 27:12

सुन्दर नाउँको बन्दरगाह हिउन काट्टाइ ननिको भया हुनाले कसइ हालतले लगइ फोनिक्स बन्दरगाहमि पुगिबर हिउन बिताउनु पणन्छ भणि भौत जसा मान्सनले ताँ बठेइ जहाज चलाउन्या सल्लाह दियो। फोनिक्स क्रेट टापुको एक बन्दरगाह हो, जो दक्षिण-पश्चिम रे उत्तर-पश्चिम तिर फर्किरइछ। तबइकिलाइ यो हिउन काट्टाइ निको ठाउँ थ्यो।

प्रेरित 27:13

जब दक्षिणी बतास सद्दिले चल्ल पस्यो, तिननले सोच्योकि हामरो योजना अन्सार हाम फोनिक्स बन्दरगाहमि पुगीजानाउ भणबर, तिननले अट्काइबर राख्या लङ्गर निकालिबर क्रेट टापुको किनारइ-किनार होइबर यात्रा अद्द पस्या।

प्रेरित 27:7

भौत दिन सम्म सद्दिले गइबर मुस्किलले क्नीडस गाउँमी पुग्या रे बतासले आजी अगाडी जान नदिया हुनाले हाम क्रेट टापुका आड लागीबर सालमोने भणिन्या बालुवाको रासका किनारइ-किनार होइबर गया।

रोमी 16:18

क्याकि यिसा मान्सनले हामरा प्रभु ख्रीष्टकी निउति होइन, तर आफना व्यक्तिगत चासोकि निउति सेवा अद्दाहान, रे तिननले मिठो-मिठो सब्द रे चिफला कुरणीले निर्दोष मान्सनलाइ धोका दिनाहान।

फिलिप्पी 3:19

तिनरो अन्त्य बिनास हो, तिनन आफ्नो शारीरिक अभिलाषा पुरा अददाइ मान्तर जिउनाहान, रे तिनन लाज लाग्द्या काममी घमण्ड अद्दाहान रे तिनन सदाइ संसारको चिज तिर मन लाउनाहान।

१ तिमोथी 4:2

तिनन झुटि बोल्ल्या कपटि हुन जइले झुटा शिक्षा सिकाउनाहान। तिनरा चेतना मर्या छ, जइका लाग्दा तिनन ठीक रे गलत छुटयाउन सक्दाइन।

तितस 1:5

तबइकिलाइ मइले तुलाइ क्रेट टापुमि छाडिबर आया, ताकि तुइले ताँ हामरो काम पुरा अद्द सक रे मइले आदेस दिया जसेरि तुइले क्रेट टापुका हरेक सहरमि मण्डलिका अगुवान नियुक्त अर।

२ पत्रुस 2:12

तर यिन झुटा शिक्षक जंगली जनाबर जसा छन। यिन जनावरले कसेरी सोच्चु हो जाण्नाइन रे तिनन केवल समाइबर मारिन्या उद्देश्यले मान्तर बन्या हुनाहान। यिन मान्सनले जी तिनरा दिमागमि आउछ तेइ अददाहान, रे तिननले नबुज्या कुरणीको लगइ अपमान अददाहान। तिनन पक्‍कालगइ नास हुन्या हुन।

२ पत्रुस 2:15

तिननले असल अद्द छाडया छन, रे तिननले त्यइ ननिका काम अद्द सुरु अर्या छन, जो बओरको चेलो बालामले भौत समय अगाडी अर्याथ्यो। उनले ननिका काम अरिबर पैसा कमाउन्या मन पणायो।