रोमी 8:29 - डोटेली नयाँ करार

²⁹ क्याकि जइलाइ परमेश्वरले पइल्ली बठेइ चुन्या छ, तिननलाइ पइल्ली बठेइ उनरा चेलो जसा हुन्या निर्णय अर्याछ, ताकि उनरा चेलो भौत भाइनमि हइ जेठ्ठाइ हुन सकुन।

रोमी 8:29 ပူးပေါင်းရင်းမြစ်များ

मत्ती 12:50

क्याकि जइले स्वर्गका मेरा पिताको इच्छा माणन्छ तिनन मेरो भाइन, मेरी बइनि रे मेरी इजा हुन।”

मत्ती 25:40

रे म, राजाले तिननलाइ जबाफ दिबर तिननलाइ भण्न्या हु, “साँच्चि म तमलाइ भणउ, तमनले इन सब मेरा शिष्या मध्ये सब भण्ना नानालाइ जी जति अर्या त्यो तमले मलाइ अर्या जसो हो।”

मत्ती 28:10

तब येशूले तिननलाइ भण्यो, “जनडरा, गइबर मेरा शिष्यालाइ गालील जिल्लामि जा भणिदिय, रे ताँ तिननले मलाइ धेक्द्या हुन।”

मत्ती 7:23

रे म तिनलाइ साच्ची भण्नउ, ‘मइले तमनलाइ कभइ पछेण्या आथिन। ए दुष्ट काम अद्द्या, म बठेइ दुर होइजा।’”

यूहन्नाले लेख्या सुसमाचार 17:16

तिनन संसारका होइन, जसो म लगइ संसारको होइन।

यूहन्नाले लेख्या सुसमाचार 17:19

तिनरा फाइदाकी निउति म आफइलाइ पबित्र पाड्डउ, कि तिनन सत्यमी आफनी निउति अलग होउन।

यूहन्नाले लेख्या सुसमाचार 17:26

मइले तमरो नाउँ यिनमि प्रकट अर्या, रे तमरो नाउँ यिनमि प्रकट अरीरन्या हुँ, ताकि जइ प्रेमले तमले मलाइ प्रेम अर्या, त्यो तिननमि रइजाउ, रे म तिननमि रउ।”

यूहन्नाले लेख्या सुसमाचार 20:17

येशूले तिनलाइ भण्यो, “मलाइ समाइ जन राख, क्याकि म अइल सम्म मल्तिर मेरा पिताका वाँ गया आथिन; तर तम मेरा शिष्याका वाँ जा रे उनलाइ भण्दिय, म मल्तिर मेरा पिता रे तमनका पिता मेरा परमेश्वरका वाँ जान्ना छु।”

रोमी 11:2

परमेश्वरले पइल्ली बठेइ चुन्या आफना मान्सनलाइ त्याग्या आथिन। तमन जाँणन्छौ कि पबित्र सास्त्रमि एलिया अगमबक्ताका बारेमि कि लेख्या छन, उनले इस्राएल देशका मान्सनका बारेमि परमेश्वरसित गुनासो अर्यो।

रोमी 13:14

तर तमरो कबच प्रभु येशू ख्रीष्ट होउन, रे पापी स्वभावको इच्छा पुरा अद्दया कुरणीमि ध्यान जन दिय।

रोमी 9:23

परमेश्वरले यो अर्यो क्याकि उनले बलिदान रूपी ख्रीष्टका मृत्यु बठेइ यो धेकाउन चायो कि उन कति महान छन, जब उनले आफ्नो ठुलो महिमामि सहभागी हुनाइ छान्या मान्सनलाइ दया अर्यो।

१ कोरिन्थी 15:49

हाम सबसित पइलो मान्स आदमको रुप छ, जो माटी बठेइ बन्या हो। तसेरि हामसित एक दिन ख्रीष्टको रुप लगइ हुन्या हो जो स्वर्ग बठेइ आया हुन।

१ कोरिन्थी 2:7

तर हामले बोल्या ज्ञान भण्या परमेश्वरको ज्ञान हो, जो लुक्याथ्यो। यिनलाइ कसइले लगइ बुज्ज सकेइन। परमेश्वरले यइ संसारको सृष्टि अददाहइ पइल्ली, उनले निर्णय अर्यो कि उनरा ज्ञानले हाम उनरा महिमामि सहभागी हुन्या हु।

१ कोरिन्थी 8:3

तर कसइले परमेश्वरलाइ प्रेम अरन्छ भण्या परमेश्वरले तइलाइ चिन्नाहान।

२ कोरिन्थी 3:18

हाम सबले दरपन जसो घुम्टो नभया अनारमि प्रभुको महिमा धेकाउनाउ। रे परमेश्वरले हामलाइ उन जसोइ बनाउन्ना छन रे हामरो महिमा झिक-झिक बड्डा छ। यो प्रभुको काम हो, जो पबित्र आत्मा हुन।

एफिसी 1:11

हामरा ख्रीष्ट सितको सम्बन्धका लाग्दा परमेश्वरले हाम यहुदि मान्सनलाइ लगइ प्रतिज्ञा अर्या कुरणी पाउनाइ चुन्या छ। उनले यो भौत पइल्ली अद्द्या निर्णय अर्याथ्यो।

एफिसी 4:24

रे परमेश्वरले तमनलाइ नयाँ मान्स बनाया छ, त्यो नयाँ मान्स परमेश्वर जसो हुनाइलाइ बनाइया हो, तबइकिलाइ यइ नयाँ चरित्र अनसार ब्यबहार अर। साच्ची धर्मि रे पबित्र बन।

फिलिप्पी 3:21

उनले जइ सक्तिको प्रभाबले सब कुरणीलाइ उनरो अधिनमी ल्याउन सक्दाहान, तसइ सक्तिले हामरा भौतिक शरीरलाइ आफ्नो महिमाको सरीरमि बदल दिनाहान।

कलस्सी 3:10

रे परमेश्वरले अइल तमनलाइ नयाँ मान्स बनाया छ, उनले तमनलाइ आफ जसाइ बनाउन्ना छन ताकि तमन उनलाइ साचो किसिमले जण्न सक।

२ तिमोथी 1:9

जइले हामलाइ बचाया छ रे पबित्र जीवन बिताउनाइ बोलाया छ। हामले अर्या असल कामले उनले हामलाइ बोलाया होइन, तर उनरो योजना रे अनुग्रहका लाग्दा हो। यो अनुग्रह उनले येशू ख्रीष्ट बठेइ संसारको सृष्टि अददाहइ पइल्ली हामलाइ दिया हो।

२ तिमोथी 2:19

तर परमेश्वरका मान्सन जग जसाइ हुन जो स्थिर हुन्छ। इसइ जगमि यिन सब्द लेख्या छन: “प्रभु जणनाहान कि उनरा मान्सनको हुन” पइलगइ “जो लगइ प्रभुका हो तइले दुष्ट काम अद्द छाड्डु पणन्छ।”

१ पत्रुस 1:2

पिता परमेश्वरले पइल्ली तमनलाइ उनरा मान्स हुनाइ रे पबित्र आत्माको काम बठेइ तमनलाइ पबित्र बनाउनाइ चुन्नया निर्णय अर्याथ्यो। उनले इसो अर्यो ताकि तमनले येशू ख्रीष्टको आज्ञापालन अर रे उनरो रगत बठेइ सुद्द हुन सक। म प्रार्थना अद्दउ कि परमेश्वरले तमनलाइ प्रसस्त मात्रामि अनुग्रह रे सान्ति दिउन।

१ पत्रुस 1:20

यइ संसारको सृष्टि हुनाहइ अगाडी येशू ख्रीष्ट मुक्तिदाता हुन्या हुन भणबर परमेश्वरले समय भण्ना पइल्ली अठोट अर्याथ्यो। तर उन यिन अन्तिम दिनमि यइ संसारमी तमरो फाइदाकी निउति आया।

१ यूहन्ना 3:2

प्रिय हो, अइल हाम परमेश्वरका सन्तान हौ, रे भविष्यमी हाम कि जसो हुला, जो अइल सम्मलगइ प्रकट भया आथिन, इति जाण्नाउ कि जब उन प्रकट हुनाहान तब हाम उन जसाइ हुन्या हौ। क्याकि उन जसा छन हाम उनलाइ तसाइ धेक्द्याहौ।

प्रकाश 13:8

रे यइ धर्तीमि बास अद्द्या सब मान्सनले उनलाइ आराधना अर्यो। उनरो आराधना नअद्द्या केवल तिनन मान्सन थ्या जइका नाउ यइ संसारको सृष्टि हुनाहइ पइल्ली तइ किताबमी लेखिया आथिन, जइमि अनन्त जीवन पाया मान्सनको नाउ लेखिया छ। त्यो किताब थुमाको किताब हो जइलाइ बलिदानका रुपमि मारिया थ्यो।