रोमी 8:16 - डोटेली नयाँ करार

¹⁶ तब त्यो हाम परमेश्वरका सन्तान हु भणि पबित्र आत्माले हामरो आत्मासित गवाही दिया हो।

रोमी 8:16 ပူးပေါင်းရင်းမြစ်များ

मत्ती 5:9

धन्य हुन जो मेलमिलाप अराउनाहान, क्याकि तिननलाइ परमेश्वरका चेलाचेली भणिन्या हो।

लूका 20:36

तिनन आजी मद्दाइन, क्याकि तिन स्वर्गमि भया स्वर्गदुत जसा हुनाहान, रे मर्या बठेइ जिउना सन्तान भया हुनाले परमेश्वरका सन्तान हुन।

यूहन्नाले लेख्या सुसमाचार 1:12

तर जतिले उनलाइ स्वीकार अर्यो रे उनमी बिश्वास अर्यो, उनले तिननलाइ परमेश्वरका सन्तान हुन्या अधिकार दियो।

प्रेरित 5:32

यिन सब कुरणीमि हाम गवाही छौ, रे तसोइ अरिबर पबित्र आत्मा लगइ जइलाइ परमेश्वरले आफना आज्ञा पालना अद्द्या मान्सनलाइ दिइराइछ।”

रोमी 8:14

क्याकि भण्या सब, जो परमेश्वरका आत्माको अगुवाइमी हुनाहान, तिननइ परमेश्वरका सन्तान हुन।

रोमी 8:19

क्याकि सब सृष्टिले ठुलो आसामि तइ भबिष्यका दिनको प्रतिक्षा अरिराइछ, जब परमेश्वरले आफना सत्य सन्तानलाइ प्रकट अददाहान।

रोमी 8:23

सृष्टिले मान्तरइ कष्ट सया आथिन, तर हाम आफइ लगइ जइसित भविष्यमी हुन्या महिमाको उनरो पइलो बरदानका रुपमि पबित्र आत्मा हुन, तर आब तइ दिनकिलाइ उत्सुक भइबर आसा अददाउ, जब परमेश्वरले हामलाइ आफ्ना धर्मसन्तानको पुरा अधिकार दिन्या हुन त्यो भण्या हामलाइ नयाँ शरीर दिबर पुरानो शरीरलाइ छुटकारा अराउनाहान।

रोमी 8:26

तसेरि पबित्र आत्माले हामलाइ सहयोग अद्दाहान, क्याकि हाम परमेश्वरमि भरोसा अददाइ भौत कमजोर छु। कसेरी प्रार्थना अद्दु पडद्या हो त्यो हाम जाण्नाइन, तर सब्दमि भण्न नसकिन्या कष्टका बेलामि पबित्र आत्माले हामरा निउति मध्यस्थता अद्दाहान।

रोमी 9:26

रे तसइ ठाउँमि जाँ परमेश्वरले भण्न्या थ्यो, तमन मेरा प्रजा होनु, ताँ जिबित परमेश्वरले तिनन आफ्ना सन्तान भणन्या हुन।

रोमी 9:8

अथवा प्राकृतिक रुपमि जन्म्या परमेश्वरका सन्तान होइन, तर करारका सन्तान मान्तर अब्राहामका सन्तान माणिन्या हुन।”

२ कोरिन्थी 1:12

हाम गर्व अद्दाउ कि हामरो बिबेक स्पष्ट छ। संसारमी रे बिसेस अरिबर तमन सितको हामरो सम्बन्धमि हाम परमेश्वर बठेइ आया पबित्रता रे सत्यतामि चल्याछौ, यो संसारिक बुद्दिले होइन तर परमेश्वरको अनुग्रह बठेइ हो।

२ कोरिन्थी 1:22

रे उनले हाममि आफ्नो छाप लाइराइछ, रे उनले हामलाइ दिन्या सब कुरणी मध्ये पइलो बइनाका रुपमि पबित्र आत्मा दिया छ।

२ कोरिन्थी 5:5

आब हामलाइ नयाँ शरीरकी निउति तयार बनाइदिन्या परमेश्वरइ हुन, जइले हामलाइ बैनाको रुपमि पबित्र आत्मा दिइराइछ। तबइकिलाइ हाम जाण्नाउ कि उनले हामरि निउति तयार अर्या सब कुरणी पाउन्या हु।

२ कोरिन्थी 6:18

म तमरा पिता हुन्या हु रे तमन मेरा चेलचेली हुन्या हौ, सर्वसक्तिमान परमप्रभु भण्नाहान।

गलाती 3:26

जब तमनले ख्रीष्टका नाउँमि बप्तिस्मा लिया तब तमनले नयाँ लत्ता लाया जसेरि तमनले ख्रीष्टको स्वभाव धारण अर्या। तबइकिलाइ जब तमनले येशू ख्रीष्टलाइ बिश्वास अर्या तब तमन सब परमेश्वरका सन्तान भया।

गलाती 4:6

क्याकि हाम उनरा सन्तान हौ, परमेश्वरले आफना चेलोको आत्मा हामरा हृदयमि पठायो जो आत्मा परमेश्वरको हो जइले “हे बा, पिता!” भणबर बोलाउनाहान।

एफिसी 1:13

तमनले ख्रीष्टको सुसमाचारमि बिश्वास अर्या हुनाले परमेश्वरले तमनलाइ पबित्र आत्मा दिया छ जो उनले आफ्ना मान्सनलाइ दिन्या प्रतिज्ञा अर्याथ्यो। पबित्र आत्मा एक छाप जसो हो, जइले यो धेकाउन्छ कि तमन परमेश्वरका हौ।

एफिसी 4:30

रे तमनका जिउन्या तरिकाले परमेश्वरको पबित्र आत्मालाइ दु:खी जन बना। परमेश्वरले यो धेकाउनाइ पबित्र आत्मा दिया छ कि तमन उनरा हौ रे एक दिन उनलाइ पूरारुपमी छुटकारा दिन्या हुन।

१ यूहन्ना 3:1

बिचार अर, कि पिता परमेश्वरले हामलाइ कति भौत प्रेम अरिराइछ। साच्ची, हाम परमेश्वरका सन्तान हौ! तर यइ संसारका मान्सनले हामलाइ चिन्नैन कि हाम परमेश्वरका सन्तान हउ। क्याकि यइ संसारका मान्सनले पिता परमेश्वरलाइ चिन्नाइन।

१ यूहन्ना 3:10

इसइ बठेइ परमेश्वरका सन्तान रे सैतानका सन्तान था हुन्छ। जइले परमेश्वरका नजरमि ठीक काम अद्दाहान, रे जो और बिश्वासिनलाइ प्रेम अद्दाहान तिनन परमेश्वरका सन्तान हुन।

१ यूहन्ना 3:2

प्रिय हो, अइल हाम परमेश्वरका सन्तान हौ, रे भविष्यमी हाम कि जसो हुला, जो अइल सम्मलगइ प्रकट भया आथिन, इति जाण्नाउ कि जब उन प्रकट हुनाहान तब हाम उन जसाइ हुन्या हौ। क्याकि उन जसा छन हाम उनलाइ तसाइ धेक्द्याहौ।

१ यूहन्ना 4:13

उनले हामलाइ आफना आत्मा दियाको हुनाले यो हाम जाण्नाउ कि परमेश्वर हाममि रनाहान रे हाम परमेश्वरसित एकतामी रनाउ।

१ यूहन्ना 5:10

जइले परमेश्वरका चेलो येशूमि बिश्वास अरन्छ, तइले पक्‍का बिश्वास अरन्छ कि परमेश्वरले भण्या कुरणी सत्य हो। परमेश्वरमि बिश्वास नअद्द्याले उनलाइ झुटा ठहरायाको हुन्छ। क्याकि परमेश्वरले आफना चेलोका बिसयमि दियाको गवाहीमी तइले बिश्वास अर्या हुनइन।

प्रकाश 21:7

जइ मान्सनले दुष्टका सक्तिलाइ परास्त अरन्छ, तिननले म बठेइ यिन सब आशिस पाउन्या हुन रे म तिनरा परमेश्वर हुन्या हुँ, रे त्यो मेरो चेलो हुन्या हो।