रोमी 7:15 - डोटेली नयाँ करार

¹⁵ म कि अद्दउ, त्यो बुज्जइन। क्याकि साच्ची म जी ठीक छ त्यो अद्द चाहानउ, तर म तसो अद्दइन। बरु म तसोइ अद्दउ, जी म घृणा अद्दउ।

रोमी 7:15 ပူးပေါင်းရင်းမြစ်များ

लूका 11:48

यिसेरी तमन आफना पुर्खा काममी साँच्चि छौ, रे तिननसित सहमत हुन्छौ, क्याकि तिननले उनरो हत्या अर्यो, रे तमन चाइ उनरा चिहान बनाउछौ।

यूहन्नाले लेख्या सुसमाचार 15:15

आब बठेइ म तमनलाइ नौकर भण्नइन क्याकि तइका मालिकले कि अरन्छ त्यो नौकर जाण्नैन तर मइले तमलाइ साथी भणिराइछु क्याकि जि कुरणी मइले मेरा पिता बठेइ सुण्याछु तिन सब मइले तमनलाइ बताइ सक्या छु।

रोमी 12:9

अरुलाइ प्रेम अर्या जसो जन धेका। जो कुरणी खराब छ, तइलाइ घृणा अर। जो कुरणी निकी छ, तइ कुरणी उत्सुक भइबर लगातार अरि राख।

रोमी 14:22

तुइले यो बिश्वास अद्द सकन्छइ कि तुइले अद्दारया काम गलत आथिन, तर यइ कुरणीलाइ आफना रे परमेश्वरका बिचमि राख। धन्यको हो त्यो मान्स, जइले आफले उचित माण्या कुरणिका लाग्दा आफइलाइ दोषि माणनु पड्डइन।

रोमी 7:16

म अद्द नचाया ननिको काम अद्दउ भण्या, कानुन असल छ भणि म सहमत हुनउ।

गलाती 5:17

क्याकि पापमय स्वभाव पबित्र आत्माका बिरोध हुनाहान, रे पबित्र आत्मा पापमय स्वभाबका बिरोध हुनाहान। क्याकि यिन दुइ एक अर्खाका सतुर हुन। तबइकिलाइ तमन सदाइ निको काम अद्द सक्दानु, जो तमन अद्द चाहान्छौ।

२ तिमोथी 2:19

तर परमेश्वरका मान्सन जग जसाइ हुन जो स्थिर हुन्छ। इसइ जगमि यिन सब्द लेख्या छन: “प्रभु जणनाहान कि उनरा मान्सनको हुन” पइलगइ “जो लगइ प्रभुका हो तइले दुष्ट काम अद्द छाड्डु पणन्छ।”

हिब्रु 1:9

ठीक कुरणी अद्द तमलाइ मन पणन्छ, रे दुष्ट काम अददाइलाइ तम घृणा अरन्छौ। तबइकिलाइ म तमरा परमेश्वरले, तमनलाइ तमरा साथी भण्ना बड्ता सम्मान रे आनन्द दिया छु रे तमनलाइ छान्या छु।”

याकुब 3:2

हाम सब भौत भुल अददाउ। तर यदि एक मान्सले आफले बोल्या कुरणीमि कभइ भुल अद्दइन, तइले आफलाइ पूर्ण रुपमि नियन्त्रण अद्द सकन्छ, रे त्यो सिद्द मान्स हुन्छ।

यहूदा 1:23

औरलाइ न्यायको आगो बठेइ तानिबर बचा। रे और मान्सन छन, जइलाइ तमनले दया धेकाउनु पणन्छ, तर होशियार लगइ हुनु पणन्छ। तिनरा पापमय अभिलासाले तिनरा लत्ता अपबित्र बनाया सोचिबर तमनले तिनरा हरेक लत्ता घृणा अददु पणन्छ।