रोमी 4:18 - डोटेली नयाँ करार

¹⁸ परमेश्वरले अब्राहामलाइ भण्यो कि तेरा भौत बंस हुन्या हुन, रे सब कुरणीले भौत जातिका बा हुन सक्दाइनन भणबर धेकाया लगइ, उनले बिश्वास अरीराख्यो रे आसा अददु छाडेइन।

रोमी 4:18 ပူးပေါင်းရင်းမြစ်များ

लूका 1:18

तइ पछा जकरियाले स्वर्गदुतलाइ भण्यो, “म कसेरी पक्‍का हुन सकु कि यो हामलाइ हुन्या हो? क्याकि म बुढो भया रे मेरी स्वानी लगइ बुढी भयइ छे।”

प्रेरित 27:25

तबइकिलाइ मित्तुरउ, सहास अर, म परमेश्वरमि बिश्वास अद्दउ, मलाइ जसो बताइया छ, ठीक तसोइ हुन्या हो।

रोमी 4:17

पबित्र सास्त्रमि यिसो लेखिरइछ, “मइले तुलाइ भौत जातिका पुर्खा बनाइराइछु।” परमेश्वरका नजरमि अब्राहाम हामरा बा हुन। उनले तिन परमेश्वरमि बिश्वास अर्यो, जइले मर्यालाइ जिउना बनाउनाहान रे तिन चीजलाइ लगइ अस्तित्वमि ल्याउनाहान जइको अस्तित्व आथिन।

रोमी 4:19

अब्राहामले जाण्यो कि उनरो सन्तान हुनाइलाइ उन भौत बुढा भइसक्याथ्या, क्याकि उनलाइ लगभग एक सय बर्ष भइसक्याथ्यो। साराले लगइ सन्तान जनमाउन सक्देइ थिइन। तर अब्राहाम आफ्नो बिश्वासमि कमजोर भयइन।

रोमी 5:5

आसाले हामलाइ निरास अराउनइन, क्याकि परमेश्वरले हामलाइ दिया पबित्र आत्मा बठेइ परमेश्वरको प्रेम हामरा हृदय भरिया छ।

रोमी 8:24

आब क्याकि परमेश्वरले हामलाइ बचाया छ हामसित भविष्यमी हुन्या महिमाको आसा छ। तर यदि तमनसित पइल्ली भया कुरणीकी निउति तमन आसा अर्न्छौ भण्या त्यो आसा होइन कसइले लगइ तइ कुरणीकी निउति आसा अद्दइन, जो उइसित पइल्ली थ्यो।

हिब्रु 6:19

हामसित भया यो आसा बलियो छ रे हल्लाउन सकिनइन। यइले हामलाइ परमेश्वर बठेइ टाडा लइजानइन, बरु यइले हामलाइ परमेश्वरका वाँ मन्दिर भितरका माहा पबित्र ठाउँमि ल्याउन्छ।