रोमी 4:12 - डोटेली नयाँ करार

¹² उन तिन खतना भया लगइ पुर्खा हुन, जइको खतना भया मान्तर छइन, तर जइको बिश्वास तिनरा जसोइ छ, जसो बिश्वास खतना हुनाहइ पइल्ली हामरा पुर्खा अब्राहाममि थ्यो।

रोमी 4:12 ပူးပေါင်းရင်းမြစ်များ

मत्ती 3:9

“हाम अब्राहामका सन्तान हउ भणि आपसमी भण्न्या जन अर। क्याकि म तमनलाइ भण्नउ, परमेश्वरले यिन ढुङा बठेइ लगइ अब्राहामकिलाइ सन्तान जन्माउन सक्दाहान।”

रोमी 4:11

परमेश्वरले अब्राहामलाइ खतना हुनाइ पइल्ली स्वीकार अर्यो रे आफसित धर्मि ठहरायो। खतनाको चिनो स्वीकार अर्या छाप हो। तबइकिलाइ अब्राहाम खतना नअर्या तर बिश्वास भया मान्सनका आत्मिक बा हुन। तिनरा बिश्वासले तिन धर्मि गणीया।

रोमी 4:13

अब्राहामले मोशाको कानुन पालन अर्या हुनाले परमेश्वरले उनलाइ रे उनरो बंशलाइ यो संसार दिन्या बाचा अर्या होइन, तर उनले बिश्वास अर्या हुनाले परमेश्वरले उनलाइ धर्मि बनायो।

२ कोरिन्थी 12:18

मइले तितसलाइ जा भणबर आग्रह अर्या रे तइ भाइलाइ उइका साथमि पठाया। कि तीतसले तमन बठेइ केइ आर्थिक सहयोग पायो? होइन, तमनलाइ था छ कि तितस रे मेरो एकइ मनसाय थ्यो रे एकइ तरिकाले काम अर्या हु।

१ पत्रुस 2:21

परमेश्वरले तमनलाइ बोलाया एक कारण यो हो कि तमनले उनरो निउति कष्ट भोग्दु पड्डया हो। ख्रीष्ट, जइले तमरि निउति कष्ट भोग्यो, उन तमरो उदाहरण छन। तबइकिलाइ तमनले उनले अर्या कामको अनुकरण अददु पणन्छ।