रोमी 3:31 - डोटेली नयाँ करार

³¹ रे कि हाम इसइ बिश्वास बठेइ कानुनलाइ बेकामका बनाउनाउ? होइन, बिलकुल होइन! हाम कानुनलाइ यइको साँचो मुल्य दिन्नाछु।

रोमी 3:31 ပူးပေါင်းရင်းမြစ်များ

मत्ती 15:6

इसेरि तमनले आफ्नो परम्पराका लाग्दा परमेश्वरको बचनलाइ बेकम्मा बनायाछौ।

मत्ती 3:15

येशूले यूहन्नालाइ भण्यो, अइल इसोइ हुन दिय। क्याकि यिसेरी हामले सब धर्मकर्म पुरा अद्दु पणन्छ। तब यूहन्ना राजि भया।

मत्ती 5:17

“इसो जन सोचौ कि म मोशाको कानुन रे अगमबक्तानले लेख्या लेखोटलाइ रद्द अद्दाइ आया हु। म तिनलाइ रद्द अद्दाइ होइन तर पुरा अद्दाइ आया हु।

मत्ती 5:20

म तमनलाइ भण्नउ, तम मोशाको कानुन सिकाउन्यावाला रे फरिसि मान्सनको समुह भण्न्ना नीकेरि कानुन पालन अरन्छौ भण्या तमन स्वर्गको राज्यमि पस्स पाउन्या हौ।”

लूका 20:16

त्यो मालिक आउन्या हो, तिन अदिया बनाउन्यावाला खेतालालाइ माद्द्या हो, रे अंगुरका खेत औरलाइ दिन्या हो। मान्सले यो सुणिबर भण्यो, यिसो कभइ जन होउ।

रोमी 10:4

कानुनको उद्देश्य ख्रीष्ट आइबर आब पुरा भयो तबइकिलाइ ख्रीष्टमी बिश्वास अद्द्या सब धर्मि ठहरिया छन।

रोमी 2:20

रे मुर्खलाइ सुधारन्छइ, परिपक्व नभयालाइ सिकाउछइ, क्याकि तुलाइ पक्‍का था छ कि परमेश्वरको कानुनले तुलाइ पुरा ज्ञान रे सत्यता दिन्छ।

रोमी 3:4

होइन, बिलकुल होइन, परमेश्वर सदाइ सत्य बोल्लाहान रे हरेक मान्स झुटि बोलन्छ। जसो पबित्र सास्त्रमि परमेश्वरका बारेमि लेखिरइछ, “तमन आफना बचनमी ठीक ठहरिया, रे न्याय हुनज्या तमन बिजय होइजा।”

रोमी 3:6

होइन, बिलकुल होइन! यदि, परमेश्वर हाम यहुदि मान्सनको न्याय अददाइ सहि आथिनन भण्या उनले पक्‍कालगइ गैर-यहुदि मान्सनको न्याय अद्दाइन्न।

रोमी 4:14

यदि अब्राहाम रे उनरा बंसले कानुन पालन अर्या हुनाले यो करार दियाथ्यो भण्या त बिश्वास व्यर्थ रे प्रतिज्ञा बेकामको हुन्छ।

रोमी 7:22

क्याकि म मेरा सारा हृदयले परमेश्वरका कानुनमी आनन्दित हुनउ।

रोमी 7:25

म परमेश्वरलाइ धन्यबाद चडाउनउ क्याकि हामरा प्रभु येशू ख्रीष्टका लाग्दा मलाइ बचाउन्या उनइ हुन! म आफइ आफना मनले त परमेश्वरका कानुन पालन अद्द चाहानउ, तर मेरा पापी स्वभाबका लाग्दा म लगातार पाप अद्दउ।

रोमी 8:4

उनले इसो अर्यो ताकि हाम कानुनले भण्या अनसार अद्द सकु। आब हाम पापी स्वभाव अन्सार होइन, तर पबित्र आत्मा अन्सार जिउनाउ।

१ कोरिन्थी 9:21

तसेरि जब म गैर-यहुदि मान्सनसित काम अद्दाथ्या तब मइले गैर-यहुदि मान्सनलाइ ख्रीष्टमी ल्याउनाइ तिनरि जसेरि जीवन बिताया जइले यहुदि कानुन पालन अद्दइन। यइको मतलब यो होइन कि मइले परमेश्वरका कानुन माणनइन, क्याकि म सदाइ ख्रीष्टको कानुन पालन अद्दउ।

गलाती 2:19

क्याकि म बुज्जउ कि मोशाको कानुन पालन अरिबर म धर्मि ठहरिन सक्दइन। तबइकिलाइ म सम्झनउ कि म कानुनकिलाइ मर्या छु ताकि म परमेश्वरका निउति जिउन सकु।

गलाती 2:21

परमेश्वरले आफ्नो अनुग्रह बठेइ हामलाइ धर्मिका रुपमि स्वीकार अर्यो। म कभइ लगइ त्यो कुरणी छाडया आथिन, क्याकि यदि मान्सनले कानुन पालन अरिबर धर्मि हुन्या भया ख्रीष्ट मद्दु पड्डया थेइन।